U Minsku płanujuć istotna pašyryć kvietkavaje azielanieńnie. Jak paviedamiŭ hienieralny dyrektar UP «Minskzielanbud» Alaksandr Jermałovič, u horadzie vysadziać jak minimum 50 tysiač kustavych ružaŭ, a taksama pavialičać kolkaść kvietak na raździalalnych pałosach asnoŭnych mahistralaŭ.
Pa jaho słovach, asnovaj raźvićcia haradskoha azielanieńnia zastajecca paetapnaje i kompleksnaje ŭparadkavańnie parkaŭ, skvieraŭ i bulvaraŭ. Takaja stratehija budzie praciahnutaja i ŭ 2026 hodzie, pry hetym dla kožnaj terytoryi padbor raślin i małych architekturnych formaŭ budzie indyvidualnym.
U kvietkavym afarmleńni, jak i raniej, płanujecca skaračać dolu adnahadovych raślin. Kali ŭ 2021 hodzie ich vysadžvali kala 2 miljonaŭ, to ŭ 2025‑m — užo 1,4 miljona. Na 2026 hod zapłanavanaja vysadka kala 1,2 miljona adnahadovych i nie mienš za 100 tysiač šmathadovych raślin pa ŭsim horadzie.
Azielanieńnie raździalalnych pałos na hałoŭnych darohach taksama praciahniecca. Spačatku tam źjavicca marozaŭstojlivaja vijoła, u mai jaje zamieniać kantejniery sa šmathadovymi kvietkami, a naprykancy siezona — chryzantemy.
Akramia ružaŭ, u Minsku stanie bolš i hartenzij — płanujecca vysadzić kala 10 tysiač hetych kustoŭ, što, pavodle słoŭ kiraŭnika pradpryjemstva, pavinna nadać horadu jašče bolš jaskravych farbaŭ.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie10
Kamientary