Vyjšła kniha z praktyčnymi rekamiendacyjami dla biełarusaŭ-emihrantaŭ, jakim 45+. Ale dla maładziejšych taksama
Kamunikacyjny kansultant i aŭtar sacyjalnych prajektaŭ Andrej Ezieryn debiutavaŭ jak piśmieńnik. Jon vydaŭ knihu «Hien mihranta. Pačatak». Jak adznačaje aŭtar, vydańnie ŭjaŭlaje saboj «hibryd mastackaj prozy i kamunikacyjnaha kansałtynhu», piša «Budźma».
«Napisaŭ knihu. Nie tolki napisaŭ, vydaŭ. Šmat hadoŭ tamu ja zajmaŭsia vydavieckim biźniesam (była takaja sieryja — «Stary Śviet»), paźniej pradziusiravaŭ vydańni. Hetym razam ja — i aŭtar tekstu, i aŭtar fatahrafij, i pradziusar. Čas taki», — napisaŭ Andrej Ezieryn na svajoj staroncy ŭ fejsbuku.
U knizie čytač znojdzie «25 karotkich historyj, 10 000 słoŭ ab vyklikach, ź jakimi sutykajecca čałaviek, jaki advažyŭsia na pierajezd u inšuju krainu ŭ niemaładym uzroście.
Kožnaja častka — nie prosta nazirańnie, a praktyčnaja rekamiendacyja, jakaja pieratvaraje tekst u hibryd mastackaj prozy i kamunikacyjnaha kansałtynhu. Hetaja kniha — ab tym, što ŭzrost moža być nie pieraškodaj, a pieravahaj. Što dośvied, mudraść i ŭstojlivaść da žyćciovych niahodaŭ — heta mahutnyja resursy dla adaptacyi. Što «pozna» — heta ŭsiaho tolki słova, jakoje my možam vykinuć sa svajho słoŭnika. Maje fatahrafii, zroblenyja ŭ roznych haradach Jeŭropy, słužać vizualnaj padtrymkaj hetych historyj», — piša aŭtar u anatacyi da vydańnia.
Kniha maje paznaku «45+», ale, jak adznačaje aŭtar, jaje varta čytać i maładziejšym ludziam. Dla ich jana stanie nastaŭleńniem, jakoje zaścieraže ad mnohich pamyłak i dazvolić padyści da čarhovaha žyćciovaha rubiažu padrychtavanym da mahčymych vyprabavańniaŭ.
Vydańnie ŭžo dastupnaje dla pieradzamovy z admysłovaj źnižkaj. Pakul tolki ŭ Jeŭraźviazie, ale Andrej Ezieryn adznačaje ŭ Fejsbuku, što ŭžo pracuje nad tym, kab kniha była dastupnaja va ŭsich krainach, dzie jość jaje patencyjnyja čytačy.
Ciapier čytajuć
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej3
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary