SBU zatrymała ŭkrainku, jakuju abvinavačvajuć u naviadzieńni rasijskich udaraŭ pa kijeŭskich CEC
Pavodle źviestak kontrraźviedki, žančyna karektavała pavietranyja ataki pa enierhietyčnaj infrastruktury Kijeva, a taksama špijoniła za pieramiaščeńniem ukrainskich vajskoŭcaŭ i techniki.
Pa danych SBU, ahientkaj FSB była žycharka Rovienščyny. Ad svaich kurataraŭ u Rasii jana nibyta atrymlivała zadańni pierasyłać fota, videa i kaardynaty kijeŭskich ciepłaelektracentralaŭ, pa jakich rasijanie rychtavali ŭdary.
Uvahu rasijskich śpiecsłužbaŭ žančyna pryciahnuła, kali šukała lohkija zarobki ŭ telehram-kanałach.
Pavodle viersii SBU, paśla viarboŭki jaje «adkamandziravali» na Kijeŭščynu, dzie jana abjazdžała miascovyja CEC i fiksavała ich techničny stan paśla rasijskich atak.
Zadańni jana atrymlivała i ŭ Adeskaj, i ŭ Čarnihaŭskaj abłaściach, jakija taksama padviarhajucca masavanym udaram, u tym liku pa enierhietyčnych abjektach.
Žančyna nibyta zasialałasia ŭ hateli abo arandavała žyllo pablizu abjektaŭ, jakija cikavili jaje kurataraŭ, i nazirała za imi albo ŭstaloŭvała abstalavańnie dla nazirańnia ź niepasrednaj pieradačaj dadzienych u FSB.
«Dla zboru raźvieddanych pa Adeskaj vobłaści jana spačatku pasialiłasia ŭ hatelnym numary ź vidam na miascovuju stancyju Ukrčyhunki. Z akna žylla ahientka sačyła za rucham ciahnikoŭ z vajskovaj technikaj u napramku frontu», — apisvaje mietady pracy rasijskaj ahientki SBU.
Dalej, śćviardžaje SBU, fihurantka prybyła na Čarnihaŭščynu i arandavała kvateru kala aŭtatrasy. Na padvakońni časovaha žylla jana nibyta ŭstanaviła telefonnuju kamieru z funkcyjaj dystancyjnaha dostupu dla FSB.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary