U Biełarusi prapanavali abmiežavać prodaž aŭto, uviezienych z-za miažy
Biełaruskaja aŭtamabilnaja asacyjacyja (BAA) vystupiła ź inicyjatyvaj, nakiravanaj na baraćbu z kamiercyjnym impartam pad vyhladam uvozu dla asabistaha karystańnia. Asacyjacyja prapanavała ŭvieści abmiežavańni na pieraprodaž aŭtamabilaŭ, uviezienych u krainu fizičnymi asobami, piša «Točka».
U čym sutnaść prapanovy
Jak rastłumačyŭ kiraŭnik BAA Siarhiej Varyvoda, prapanova praduhledžvaje ŭviadzieńnie praviła, anałahičnaha tamu, što dziejničaje ŭ Rasii.
Płanujecca: kali aŭtamabil, uviezieny fizičnaj asobaj, pradaduć na praciahu pieršaha hoda, z uładalnika budzie spahaniacca pavyšany ŭtylizacyjny zbor, roŭny tamu, jaki płaciać kamiercyjnyja imparciory.
Na dumku asacyjacyi, takaja miera dapamoža abmiežavać praktyku masavaha ŭvozu mašyn pad vyhladam asabistaha karystańnia z metaj ich nastupnaha pieraprodažu.
Čamu pra heta stali havaryć
Statystyka BAA pakazvaje takuju dynamiku. Vosieńniu 2025 hoda z 27,2 tys. aŭtamabilaŭ, uviezienych fizičnymi asobami, 18 tys. źmianili ŭładalnika ŭ pieršyja 2—3 miesiacy. Ekśpierty asacyjacyi ličać, što tolki kala 32% hetych mašyn realna ŭvozilisia dla asabistaha vykarystańnia, astatnija stali instrumientam schavanaha kamiercyjnaha impartu.
Zhodna z danymi, ahučanymi dyrektaram «BAA-Kansałt» Dźmitryjem Jarotam, impart fizičnymi asobami za minuły hod vyras na 19%, u toj čas jak uvoz jurydyčnymi asobami pavialičyŭsia ŭsiaho na 1%.
U vyniku dola fizičnych asob u struktury impartu lehkavych aŭtamabilaŭ u 2025 hodzie dasiahnuła 59%, pieravysiŭšy dolu jurydyčnych asob (41%).
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary