U Mahiloŭskaj vobłaści paśla pierarehistracyi źnikła pałova katalickich parafij
Adzinuju ŭ rehijonie hreka-katalickuju parafiju ŭdałosia zachavać.
Paśla praviedzienaj u Biełarusi pierarehistracyi relihijnych abjadnańniaŭ kolkaść supolnaściaŭ, jakija majuć aficyjny status, značna skaraciłasia. Najbolš balučym hety praces akazaŭsia dla katolikaŭ u Mahiloŭskaj vobłaści — tam była likvidavana roŭna pałova raniej zarehistravanych ryma-katalickich parafij.
Aficyjna pra heta nie paviedamlajecca, ale takija danyja Katolik.life atrymaŭ pry supastaŭleńni statystyki. Jak jany zaŭvažyli, Mahiloŭski abłvykankam apublikavaŭ śviežyja źviestki ab relihijnych kanfiesijach i kolkaści supolnaściaŭ, zarehistravanych u rehijonie.
Pa stanie na 1 lutaha 2026 hoda ŭ Mahiloŭskaj vobłaści zarehistravany i dziejničajuć 12 ryma-katalickich supolnaściaŭ. Da pačatku pierarehistracyi, pa dadzienych Upaŭnavažanaha pa spravach relihij i nacyjanalnaściaŭ, takich było ŭ rehijonie 24.
1 hreka-katalickaja supolnaść, jakaja raniej dziejničała na Mahiloŭščynie, zachavałasia paśla pierarehistracyi. Jakija mienavita 12 ryma-katalickich parafij byli likvidavanyja, infarmacyi na aficyjnych resursach Kaścioła niama.
U Viciebskaj vobłaści zastałosia 85 ryma-katalickich supolnaściaŭ zamiest 94, jak było raniej. U Bresckaj vobłaści — 60 zamiest 66. Adnak tam, jak i ŭ inšych rehijonach, infarmacyja jašče aktualizujecca.
U cełym u Biełarusi byli likvidavanyja kala 60 ryma-katalickich parafij. Najbolš vierahodnaja pryčyna — niedastatkovaja kolkaść viernikaŭ, nieabchodnaja pa novych praviłach dla rehistracyi supolnaści.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?20
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2424
Kamientary