«My pajšli na šmat kampramisaŭ». Zialenski vykazaŭsia pra sastupki pad ciskam ZŠA
«Pucin i jahonyja siabry nie ŭ turmie. Heta samy vialiki kampramis, na jaki śviet užo pajšoŭ», — skazaŭ prezident Ukrainy.
Prezident Ukrainy havaryŭ z žurnalistkaj vydańnia Politico padčas kanfierencyi pa biaśpiecy ŭ Miunchienie, piša Bi-bi-si.
«Jość niekatoryja sihnały ad amierykanskaha boku, ad prezidenta Trampa. Jany kažuć: «Pryjšoŭ čas kampramisaŭ. Vy možacie zrabić niekatoryja kroki napierad».
My pajšli na šmat kampramisaŭ. Pucin i jahonyja siabry nie ŭ turmie. Heta samy vialiki kampramis, na jaki śviet užo pajšoŭ», — adkazaŭ Zialenski.
Jon patłumačyŭ, što pad ciskam ZŠA Kijeŭ pahadziŭsia pajści na spynieńnie ahniu biez usialakich papiarednich umoŭ, ale Rasija hetuju prapanovu adchiliła.
U piatnicu Donald Tramp zajaviŭ, što Rasija choča pajści na ŭhodu dla zakančeńnia vajny i Zialenski taksama pavinien prajavić takoje žadańnie.
Što jašče Zialenski skazaŭ u intervju Politico:
«Dumaju, što Pucin taksama ŭ ciažkim stanoviščy. Ja mahu havaryć z vami, paciskać ruki. I ja nie bajusia. I ja chaču być svabodnym čałaviekam. I chaču źmianicca paśla palityki, paśla ŭsiaho. I ja tut. Ja svabodny čałaviek. I ja maładziejšy, čym Pucin, chiba nie? [Śmiech] Nie-nie, paviercie, heta važna. U jaho nie vielmi šmat času. Daj boh, nie zanadta šmat času».
U adkaz na pytańnie, na kaho ZŠA cisnuć bolš — na Ukrainu ci Rasiju:
— Dumaju, što sprabujuć cisnuć na abodva baki.
— Što vy pra heta dumajecie?
— Što ja dumaju? Heta ŭžo zanadta, narod. Pry ŭsioj pavazie. Jość niekatoryja dumki, jakija ja pavinien pakinuć pry sabie.
Ciapier čytajuć
U Francyi ad śpioki zahinuŭ dalnabojščyk z Dokšycaŭ6
Kamientary