«Dahetul nie mahu pavieryć». Adnu z kvater ułady Biełastoka vydali byłoj palitźniavolenaj Halinie Dzierbyš
Ułady Biełastoka vydzielili dźvie kvatery z Fondu sacyjalnaha žylla dla byłych biełaruskich palitviaźniaŭ. Pra heta chadajnictvaŭ Pavieł Łatuška.
Adna z takich kvater była vydadzienaja Halinie Dzierbyš, jakaja była siarod palitviaźniaŭ, vyzvalenych i departavanych u vieraśni 2025 hoda. Z usioj hrupy z 51 čałavieka ŭ jaje byŭ samy vialiki termin: jaje abvinavacili ŭ sprobie zachopu ŭłady i prysudzili da 20 hadoŭ pazbaŭleńnia voli.
— Uzradavałasia, — apisvaje jana Most svaju reakcyju na vyłučeńnie žylla. — Dahetul nie mahu pavieryć.
Halina Dzierbyš užo atrymała klučy ad kvatery i padpisała damovu.
U vydadzienym žylli jana zmoža pražyvać pažyćciova, apłačvajučy tolki kamunalnyja pasłuhi.
Zajechać jana pakul nie moža: u kvatery treba pravieści ramont (z hetym dapamoža fond Dialog) i znajści meblu.
Žančyna raspaviadaje, što dom znachodzicca niedaloka ad centra, kvatera — na pieršym paviersie.
— Zachodziš — vitalnia. Dalej — kuchańka i dva pakoi, — apisvaje jana.
Raniej Halina Dzierbyš raskazvała «Našaj Nivie», što žyła ŭ adnapakajovaj kvatery, vydadzienaj fondam Dialog. Jana pražyła ŭ joj dva miesiacy, apłačvajučy tolki kamunalnyja.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
«Terarystka» Dzierbyš, jakaja atrymała 20 hadoŭ: Śledčy prapanoŭvaŭ abyłhać Aŭtuchoviča ŭ abmien na lahčejšaje pakarańnie
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary