«Joj kazali: «Vy prydurvajeciesia?» Zołatava raskazała pra palitźniavolenuju Volhu Čukaravu ź insultam, što aślepła ŭ kałonii
A jana navučyłasia pierasoŭvacca navobmacak.
Hałoŭny redaktar Tut.by, eks-palitviazień Maryna Zołatava apisała ŭ svaim fejsbuku historyju asudžanaj Volhi Čukaravaj.
«Skončyŭsia druhi miesiac Hoda biełaruskaj žančyny. Chutka sakavik. Tam sustrenucca biełaruski žanočy hod i mižnarodny žanočy dzień.
Heta Volha Čukarava. 50 hadoŭ. Pracavała buchhałtaram u składanaj avijacyjnaj śfiery.
Pa dvuch artykułach — 361‑1 (stvareńnie ekstremisckaha farmiravańnia abo ŭdzieł u im) i 369 (abraza pradstaŭnika ŭłady) — atrymała 4 hady.
Volha była zatrymanaja vosieńniu 2024 hoda. U SIZA pieraniesła insult. Stała ślapoj. Uvohule, całkam. U karancinie kałonii, praŭda, znachodzilisia «razumniki», jakija nie vieryli: «A jak vy tady ŭstali? Jak vy siudy padyšli? Vy prydurvajeciesia».
A Volha starałasia nie skardzicca. Navat kali cisk 210 (vy ž pamiatajecie pra insult?). Prasiła tolki, kab navučyli — kab praściej było pierasoŭvacca navobmacak. Navučyłasia.
Paśla karancinu paru dzion pabyła ŭ atradzie. Potym adpravili ŭ sančaść. Vazili na abśledavańni. Pavodle čutak, źjaviŭsia jašče adzin niadobry dyjahnaz.
Dačka-padletak — u internacie, syn — u armii, maci — invalid pieršaj hrupy, pryviazanaja da łožka. Chto ciapier jaje dahladaje, nieviadoma.
Tak (u rešcie rešt, na fonie ŭsiaho inšaha heta, napeŭna, užo drobiaź), Volha znachodzicca ŭ śpisie terarystaŭ. Adpaviedna, joj zabaronienyja hrašovyja pieravody. Voś takaja historyja biełaruskaj žančyny», — napisała Maryna Zołatava.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary