U troch uschodnich abłaściach istotna pavialičyli chutkaść mabilnaha internetu
U troch abłaściach Biełarusi — Viciebskaj, Homielskaj i Mahiloŭskaj — istotna vyrasła chutkaść mabilnaha internetu 4G. Heta stała vynikam techničnaj madernizacyi, jakuju infrastrukturny apieratar beCloud pravioŭ sumiesna ź Ministerstvam abarony, BDUIR i Dziaržaŭnaj inśpiekcyjaj elektrasuviazi, piša Times.by.
Asnoŭnyja palapšeńni zakranuli dyjapazon 800 MHc. Abjom vykarystanych častot pavialičyŭsia ŭdvaja — z 10 da 20 MHc. Dziakujučy hetamu ŭzrasła prapusknaja zdolnaść sietki i siaredniaja chutkaść pieradačy danych dla abanientaŭ. Najbolšuju karyść ad abnaŭleńnia atrymali žychary sielskaj miascovaści i nievialikich nasielenych punktaŭ, dzie suviaź stała bolš stabilnaj.
Z pačatku sakavika źmieny zakranuli pracu bolš jak tysiačy bazavych stancyj. Dyjapazon 800 MHc maje vialiki radyus dziejańnia, tamu asabliva pasuje dla pakryćcia vialikich terytoryj.
Pavodle paviedamleńnia apieratara, chutkaść internetu pavialičyłasia ŭ Mahilovie, Viciebsku, Homieli, Babrujsku, Žłobinie, Śvietłahorsku, a taksama ŭ nievialikich haradach i pasiołkach, takich jak Turaŭ, Chocimsk, Biahoml, Aśvieja ci Doŭsk.
Raniej apieratar taksama pavialičyŭ chutkaść 4G u dyjapazonie 1800 MHc pa ŭsioj krainie — karystalniki adznačali rost prykładna na 30%. Siońnia sietka 4G u Biełarusi pracuje ŭ troch dyjapazonach: 800, 1800 i 2600 MHc, i abjadnoŭvaje bolš za 7700 bazavych stancyj. Štodnia praź jaje prachodzić bolš za 4000 terabajtaŭ trafiku.
Razam z tym kampanija adznačaje peŭnyja ciažkaści ŭ raźvićci sietki ŭ pamiežnych zonach. U niekatorych addalenych nasielenych punktach, asabliva kala dziaržaŭnaj miažy, padklučeńnie da adzinaj sietki pakul niemahčymaje z abjektyŭnych pryčyn. Rašeńni pa takich prajektach prymajucca na ŭzroŭni halinovych rehulataraŭ.
Mabilnyja apieratary dali biaspłatny roŭminh dla biełarusaŭ, jakija zatrymalisia na Blizkim Uschodzie
U Biełarusi abmiažoŭvajuć chutkaść mabilnaha internetu. A jakija ceny i ŭmovy ŭ Polščy i Litvie?
«Hihabajty skončylisia, lažyć videa». Biełarusy dzielacca, ci chapaje im mabilnaha internetu paśla abmiežavańniaŭ
Jak mabilnyja apieratary źmianili bieźlimitnyja taryfy paśla abmiežavańnia chutkaści internetu
U Biełarusi stali dziejničać limity na mabilny internet
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3535
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu35
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary