Baza adpačynku «Čmialoŭka» ŭ Łahojskim rajonie była pradadziena amal za 500 tysiač dołaraŭ i znajšła novaha ŭładalnika z vośmaj sproby — jaje vystavlali na aŭkcyjon bolš za hod.
Prodaž adbyŭsia 5 sakavika 2026 hoda na elektronnaj handlovaj placoŭcy Biełaruskaj univiersalnaj tavarnaj biržy sa źnižeńniem pieršapačatkovaj cany na 80%. Adziny ŭdzielnik tarhoŭ nabyŭ abjekt za 1 394 040,45 rubla.
Ułaśnik atrymaŭ bolš za tysiaču kvadratnych mietraŭ budynkaŭ i ŭ arendu na 20 hadoŭ ziamielny ŭčastak płoščaj 1 hiektar.
U skład kompleksu ŭvachodziać dvuchpaviarchovy budynak bazy adpačynku, dvuchpaviarchovy haściavy dom, łaźnia, kacielnia, vodanapornaja vieža i dźvie artezijanskija śvidraviny.
Baza była pabudavanaja ŭ 1984 hodzie, adnak budynki adnoŭlenyja abo pierabudavanyja kala dziesiaci hadoŭ tamu. Pobač raźmieščanyja dva vadajomy, a miascovaść viadomaja hrybnymi i jahadnymi miescami. Da Łahojska adsiul 25 kiłamietraŭ, da Pleščanic — 20, da Minska — 60.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary