Havoračy pra Miesi, prezident ZŠA zajaviŭ, što Piele byŭ «vielmi dobry, ale Lea, mahčyma, navat lepšy».
U čaćvier Donald Tramp sustreŭsia ŭ Biełym domie ź pieramožcami vyšejšaj amierykanskaj futbolnaj lihi (MLS) «Inter Majami». Siarod haściej byli Lijanel Miesi, Łuis Suares i Radryha De Paŭl.
Havoračy pra Miesi, Tramp zajaviŭ, što Piele byŭ «vielmi dobry, ale Lea, mahčyma, navat lepšy». Taksama jon adznačyŭ, što kali vialikija hulcy pryjazdžajuć u ZŠA, jany zvyčajna ŭžo nie pieramahajuć, ale Miesi «spraviŭsia ź ciskam — pryjšoŭ i pieramoh».
Adnačasova Tramp kazaŭ nie tolki pra futboł. Viadoma, jon nie ŭpuściŭ mahčymaści vykazacca i pra vajnu ź Iranam:
«My źniščajem usio bolš iranskich rakiet i bieśpiłotnikaŭ. Ich puskavaja ŭstanoŭka traplaje pad abstreł na praciahu čatyroch chvilin paśla taho, jak jany zapuskajuć rakietu. Jany prosta nie razumiejuć, što adbyvajecca, ale ŭ nas samaja mahutnaja armija ŭ śviecie. Ich fłot z 24 karabloŭ byŭ źniščany za try dni. Heta vielmi šmat karabloŭ».
Kamientary