U 2020 hodzie za Łukašenku hałasavała 21%. I tolki 6% moładzi — vyniki dziaržaŭnaha apytańnia
Sastareły dyktatar uščent prajhraŭ Śviatłanie Cichanoŭskaj.
Niezaležnaja Biełaruskaja sacyjałahičnaja hrupa apublikavała vyniki elektaralnaha apytańnia, jakoje ŭ 2020 hodzie pravodziŭ Instytut sacyjałohii Akademii navuk.
Nieviadoma, u jakija dakładnyja daty jano pravodziłasia — ad hetaha moža zaležyć uzrovień strachu, — adnak jano dakładna adbyvałasia paśla vybaraŭ.
Samaje cikavaje pytańnie — za kaho prahałasavali biełarusy.
Vyniki atrymalisia nastupnyja:
- Śviatłana Cichanoŭskaja — 33,3%
- Nie chaču adkazvać na heta pytańnie — 25,7%
- Alaksandr Łukašenka — 20,9%
- Nie hałasavaŭ — 11,3%
- Suprać usich — 6,6%
- Andrej Dźmitryjeŭ — 1,3%
- Hanna Kanapackaja — 0,5%
- Siarhiej Čeračań — 0,4%
Kali vykinuć tych, chto dakładna zajaviŭ, što nie prymaŭ udzieł u hałasavańni, atrymlivajecca, što za Łukašenku było 24%, za Cichanoŭskuju 38%.
Vybarcaŭ Cichanoŭskaj było na 60% bolš, čym tych, chto prahałasavaŭ za Łukašenku.
Cikavyja i demahrafičnyja vyniki apytańnia.
Siarod moładzi (18‑24 hadoŭ) uzrovień padtrymki Łukašenki i Cichanoŭskaj adroźnivaŭsia amal u 10 razoŭ — miziernyja 5,6% suprać 52,4%.
Siarod uzrostavaj hrupy 25‑34 hady roźnica taksama hihanckaja — 6,5% za Łukašenku i 45,4% za Cichanoŭskuju.
A voś siarod piensijanieraŭ (65+) hałasoŭ za Łukašenku było istotna bolš — 46,6% suprać 17,2%.
Što da Minska, to tut za Cichanoŭskuju prahałasavali 35,4%, a za Łukašenku — 14,1%.
Daśledavańnie całkam: Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak26
Kamientary
toho, kotoryj był srazu za vstuplenije v rośsiju