У 2020 годзе за Лукашэнку галасавала 21%. І толькі 6% моладзі — вынікі дзяржаўнага апытання
Састарэлы дыктатар ушчэнт прайграў Святлане Ціханоўскай.
Незалежная Беларуская сацыялагічная група апублікавала вынікі электаральнага апытання, якое ў 2020 годзе праводзіў Інстытут сацыялогіі Акадэміі навук.
Невядома, у якія дакладныя даты яно праводзілася — ад гэтага можа залежыць узровень страху, — аднак яно дакладна адбывалася пасля выбараў.
Самае цікавае пытанне — за каго прагаласавалі беларусы.
Вынікі атрымаліся наступныя:
- Святлана Ціханоўская — 33,3%
- Не хачу адказваць на гэта пытанне — 25,7%
- Аляксандр Лукашэнка — 20,9%
- Не галасаваў — 11,3%
- Супраць усіх — 6,6%
- Андрэй Дзмітрыеў — 1,3%
- Ганна Канапацкая — 0,5%
- Сяргей Чэрачань — 0,4%
Калі выкінуць тых, хто дакладна заявіў, што не прымаў удзел у галасаванні, атрымліваецца, што за Лукашэнку было 24%, за Ціханоўскую 38%.
Выбарцаў Ціханоўскай было на 60% больш, чым тых, хто прагаласаваў за Лукашэнку.
Цікавыя і дэмаграфічныя вынікі апытання.
Сярод моладзі (18‑24 гадоў) узровень падтрымкі Лукашэнкі і Ціханоўскай адрозніваўся амаль у 10 разоў — мізерныя 5,6% супраць 52,4%.
Сярод узроставай групы 25‑34 гады розніца таксама гіганцкая — 6,5% за Лукашэнку і 45,4% за Ціханоўскую.
А вось сярод пенсіянераў (65+) галасоў за Лукашэнку было істотна больш — 46,6% супраць 17,2%.
Што да Мінска, то тут за Ціханоўскую прагаласавалі 35,4%, а за Лукашэнку — 14,1%.
Даследаванне цалкам: Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў
-
Музычны кіраўнік дзіцячага садка з Кармы разам з жонкай стаў зоркай сацсетак. Ужо нават бухога Ігара абышоў
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
Каментары
того, который был сразу за вступление в россию