Папугай зляцеў ад гаспадароў у Лагойскім раёне. Яго бачылі ў Мінску
Злавіць яго пакуль не ўдалося.
У Threads набірае папулярнасць тэма, у якой апублікавана відэа з незвычайным экзатычным папугаем. На ім птушка ходзіць па агароджы Сляпянскай воднай сістэмы ў мікрараёне Зялёны Луг у Мінску, піша «Мінская праўда».
Аўтару роліка напісалі ў каментарыях, што ў Беларуцкім сельсавеце Лагойскага раёна, а гэта больш за 20 км ад Мінска, згубіўся такі ж папугай з кольцам на лапцы, і яго завуць Сцеша.
Журналісты патэлефанавалі па нумары, указаным у аб’яве пра страту гадаванца, і даведаліся, што гэта сапраўды быў Сцеша, але злавіць яго пакуль не ўдалося.
— Так, гэта сапраўды быў наш папугай. Яго заўважылі ў раёне Зялёнага Лугу ў Мінску. Але, на жаль, калі мы прыехалі, яго там ужо не было. Ён пераляцеў у іншае месца. Цяпер пошукі працягваюцца. Сцеша вылецеў з клеткі выпадкова, калі мы вынеслі яе на вуліцу. У клетцы было незачыненае невялікае акенца. Гэта здарылася ў вёсцы Манчакі, — патлумачыла гаспадыня папугая.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала22
Каментары
Загіне....