Следчы камітэт назваў прычыну буйнога пажару ў жылым доме на вуліцы Леніна, 9 у Мінску.
«Па выніках праведзенай праверкі ўстаноўлена, што прычынай узнікнення пажару стала парушэнне патрабаванняў пажарнай бяспекі, у тым ліку пры выкарыстанні электрычных сетак і электрапрыбораў», — заявілі ў Следчым камітэце.
Пажар успыхнуў увечары 28 чэрвеня на мансардным паверсе і хутка распаўсюдзіўся, пашкодзіўшы памяшканні. У выніку былі знішчаныя і пашкоджаныя маёмасць дзяржаўных органаў, а таксама фізічных і юрыдычных асоб. Папярэдне памер шкоды ацэньваецца не менш як у 450 тысяч рублёў.
Па факце здарэння Ленінскі раённы аддзел Следчага камітэта завёў крымінальную справу за парушэнне патрабаванняў пажарнай бяспекі, якое па неасцярожнасці прывяло да прычынення шкоды ў буйным памеры.
Следчыя працягваюць высвятляць усе абставіны здарэння, у тым ліку ўстанаўліваюць асоб, якія могуць быць датычныя да ўзнікнення пажару, а таксама канчатковы памер нанесенай шкоды.
Пацярпелы ад пажару дом у цэнтры Мінска накрылі часовым дахам і паскараюць капітальны рамонт
Беларусы ўсім Threads прапануюць дапамогу пацярпелым жыхарам Леніна, 9
Вось як выглядае дах дома на вуліцы Леніна ў Мінску пасля вялікага пажару ФОТАФАКТ
Пажар патушылі, але кватэры залілі. Спецыялісты пра тое, як ацаніць шкоду
Як выглядаюць кватэры ў доме ў цэнтры Мінска пасля пажару ФОТЫ, ВІДЭА
Ва ўчорашнім пажары ў Мінску згарэла прастора для мерапрыемстваў, якая адкрылася толькі тры месяцы таму
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам8
Каментары