Adna ź iranskich futbalistak pieradumała zastavacca ŭ Aŭstralii i źliła miescaznachodžańnie astatnich
U Aŭstralii zastalisia siamiora spartovak, astatnija viarnulisia ŭ Iran.
Fota: Cameron Spencer/Getty Images
«Adna ź dźviuch, jakija ŭčora ŭviečary pryniali rašeńnie zastacca, pahavaryła ź niekatorymi tavaryškami pa kamandzie, što źjechali, i pieradumała», — paviedamiŭ u sieradu aŭstralijskamu parłamientu ministr imihracyi Toni Biork, piša Bi-bi-si.
Raniej abiedźvie žančyny — futbalistka Machadesiech Załfi i supracoŭnica kampanii Zachra Sałtan Mieškie Kar — dałučylisia da jašče piaci hulcoŭ, jakim vydali vizy dla znachodžańnia ŭ krainie ź mierkavańniaŭ biaśpieki.
Usie astatnija iranskija spartsmienki pakinuli Aŭstraliju ŭ aŭtorak uviečary pa miascovym časie — praz dva dni paśla taho, jak vylecieli z Kubka Azii.
«U Aŭstralii ludzi majuć prava pieradumać. My pavažajem abstaviny, u jakich jana pryniała heta rašeńnie, — skazaŭ Biork. — Na žal, pry pryniaćci hetaha rašeńnia jaje tavaryški pa kamandzie i trenier paraili joj źviazacca ź iranskaj ambasadaj i sabrać rečy».
Jon paviedamiŭ, što ŭ vyniku hetaha zvanka pasolstva Irana daviedałasia pra miescaznachodžańnie futbalistak, jakija vyrašyli zastacca. Paśla hetaha, dadaŭ ministr, jon rasparadziŭsia nieadkładna pieravieźci ich u inšaje biaśpiečnaje miesca.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary