U Lepielskim rajonie žyviolny mohilnik abstalavali na radaść lisam
Prakuratura Lepielskaha rajona padčas pravierki znajšła parušeńni vieterynarna-sanitarnych pravił na žyviolnym mohilniku adnaho ź sielskahaspadarčych pradpryjemstvaŭ rajona, paviedamlaje pres-słužba Hienieralnaj prakuratury.
Pavodle zakanadaŭstva, arhanizacyi pavinny naležnym čynam utylizavać i zachoŭvać pradukty žyviolnaha pachodžańnia, jakija nie adpaviadajuć vieterynarna-sanitarnym patrabavańniam. Adnak pravierka pakazała, što na pradpryjemstvie praviły nie vykonvalisia. Zahinułych žyvioł chavali prosta na terytoryi žyviolnaha mohilnika, a nie ŭ śpiecyjalna abstalavanaj bijatermičnaj jamie.
Akramia taho, abjekt nie byŭ naležnym čynam aharodžany, tamu dzikija žyvioły mieli dostup da bijałahičnych adchodaŭ. Na terytoryi mohilnika navat zaŭvažyli lisu, jakaja łasavałasia niezakapanymi pareštkami žyvioł. Heta mahło stvarać pahrozu raspaŭsiudžvańnia infiekcyjnych chvarob na žyviołahadoŭčych kompleksach.
Taksama było ŭstanoŭlena, što bijatermičnaja jama nie mieła zamka, a na ŭjaznych varotach nie było infarmacyi pra adkaznuju asobu i kantaktnyja danyja.
Pa vynikach pravierki prakuratura vyniesła pradpisańnie kiraŭniku arhanizacyi likvidavać znojdzienyja parušeńni. U dačynieńni da adkaznaj asoby raspačali dyscyplinarnuju spravu.
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Jak ułady Minska zrazumiejuć, u kaho žyvuć niezarehistravanyja sabaki? Raźlik na nieabyjakavych susiedziaŭ
U Biełarusi chočuć stvaryć ahulnuju bazu chatnich žyvioł
«Vyžyła tolki kotka». Abharełaja, jana prasiadzieła 12 hadzin na leśvicy paśla pažaru ŭ kvatery ŭ Maładziečnie, dzie zahinuli try čałavieki
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary