Infarmacyjnaja baza, u jakoj buduć zarehistravanyja ŭsie chatnija hadavancy i žyvioły-kampańjony, moža źjavicca ŭ Minsku. Pra heta raskazaŭ načalnik Minskaj haradskoj vieterynarnaj stancyi Dźmitryj Šałojka, pieradaje BiełTA.
Navinka moža pačać pracu ŭ najbližejšyja niekalki hadoŭ. Pavodle słoŭ kiraŭnika staličnaj vietstancyi, spačatku resursam buduć karystacca tolki vieterynarnyja daktary. Paźniej dostup pradastaviać uładalnikam žyvioł.
«U hetaj bazie buduć zachoŭvacca źviestki, pačynajučy ad naradžeńnia žyvioły, a taksama infarmacyja pra vakcynacyi i inšyja vieterynarnyja manipulacyi, danyja pra ŭładalnika i infarmacyja pra čypavańnie. Kali ŭładalnik pahodzicca na čypavańnie, u bazie budzie paznačany numar čypa. Taksama praduhledžanyja padkazki dla vieterynarnych daktaroŭ, jakija buduć pravodzić pryjom», — rastłumačyŭ ekśpiert.
Kali baza apyniecca efiektyŭnaj i infarmatyŭnaj, dośvied Minska płanujuć raspaŭsiudzić na ŭsiu Biełaruś.
Havoračy pra čypavańnie žyvioł, Dźmitryj Šałojka adznačyŭ, što ŭ stalicy takuju praceduru prajšli tolki niekalki tysiač hadavancaŭ, bo jana źjaŭlajecca dobraachvotnaj.
Miž tym čypavańnie moža stać adzinym šancam znajści hadavanca, kali jon uciok, zhubiŭsia abo byŭ skradzieny. Taksama heta nieabchodna dla afarmleńnia vieterynarnaha pašparta chatniaj žyvioły.
Kamientary