Biełarus na miažy napaŭ na polskaha mytnika, ratujučy kantrabandnyja cyharety
Na biełaruska-polskaj miažy na prapusknym punkcie ŭ Tarespali polskija supracoŭniki mytna-padatkovaj słužby spynili kantrabandu bolš jak u 1,1 tysiačy pačkaŭ cyharet. Pry hetym adbyŭsia niezvyčajny incydent, piša pres-słužba polskaha mytnaha adździaleńnia.
Dla pravierki mytniki zatrymali lehkavy aŭtamabil Land Rover, jakim kiravaŭ hramadzianin Biełarusi. Padčas detalovaha ahladu vyśvietliłasia, što ŭ mašynie byli zroblenyja śpiecyjalnyja kanstrukcyjnyja źmieny: pieraroblenyja centralny tunel, parohi, padoŭžnyja elemienty i padłoha. U hetych tajnikach znajšli schavanyja cyharety biez polskich akcyznych marak.
Padčas pravierki ŭźnikła niebiaśpiečnaja situacyja — kiroŭca napaŭ na supracoŭnika mytnaj słužby, jaki vykonvaŭ słužbovyja abaviazki. Na miesca vyklikali palicyju, i mužčynu zatrymali.
Suprać jaho raspačali kryminalnuju spravu za kantrabandu, a aŭtamabil, śpiecyjalna prystasavany dla niezakonnaj pieravozki tavaraŭ, kanfiskavali.
Akramia taho, mužčynie vystavili abvinavačańnie ŭ parušeńni niedatykalnaści supracoŭnika dziaržaŭnaj słužby. Za takoje złačynstva ŭ Polščy pahražaje pakarańnie da troch hadoŭ pazbaŭleńnia voli. Taksama mytniki źviarnulisia ŭ Pamiežnuju słužbu z prośbaj pryniać rašeńnie ab vydvareńni biełarusa z krainy.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary