Pientahon: ZŠA i Izrail nanieśli ŭ Iranie ŭdary pa 15 tysiačach celaŭ
Ministr abarony ZŠA Pit Chiehset zajaviŭ, što Złučanyja Štaty i Izrail z pačatku sumiesnaj vajennaj apieracyi nanieśli ŭdary bolš čym pa 15 tysiačach abjektaŭ na terytoryi Irana, paviedamlaje ABC News.
Pa słovach Pita Chiehseta, u vyniku hetych atak iranskija ŭzbrojenyja siły značna asłablenyja. Jon śćviardžaje, što Iran stračvaje sistemy supraćpavietranaj abarony, a taksama mahčymaści vajskova-marskich i vajskova-pavietranych sił. Akramia taho, udary nakiravanyja na źniščeńnie rakiet i na spynieńnie ich dalejšaj vytvorčaści. Pad ataki traplajuć zavody, vytvorčyja linii i centry vajskovych raspracovak.
Chiehset padkreśliŭ, što hałoŭnaja meta apieracyi — spynić iranskuju jadziernuju prahramu. Jon adznačyŭ, što ŭ ZŠA jość roznyja varyjanty dziejańniaŭ, u tym liku da taho momantu, pakul Iran nie admovicca ad raspracoŭki jadziernaj zbroi.
Taksama kiraŭnik Pientahona zajaviŭ, što novy viarchoŭny lidar Irana Madžtaba Chamieniei, jaki źmianiŭ na hetaj pasadzie svajho baćku Ali Chamieniei, paranieny i chavajecca. Pavodle jaho słoŭ, u kiraŭnictvie Irana ciapier panuje chaos.
Sumiesnaja apieracyja ZŠA i Izraila suprać Irana pačałasia 28 lutaha. Padčas avijaŭdaraŭ byŭ zabity 86‑hadovy viarchoŭny lidar krainy, ajatała Ali Chamieniei. U adkaz Iran zapuściŭ balistyčnyja rakiety pa Izraili, a taksama pa šerahu krain Piersidskaha zaliva, dzie raźmieščanyja amierykanskija vajskovyja bazy.
Raniej prezident ZŠA Donald Tramp zajaviŭ, što vajna moža chutka zaviaršycca, bo ŭ Iranie amal nie zastałosia važnych celaŭ dla ŭdaraŭ. Adnak izrailskija čynoŭniki miarkujuć, što padzieńnie iranskaha režymu moža zaniać značna bolš času, navat kali asnoŭnaja vajennaja apieracyja skončycca raniej.
Iranski režym moža być zrynuty ŭžo ŭ nastupny aŭtorak — ekśpiert
Tramp zajaviŭ, što novy viarchoŭny lidar Irana žyvy, ale paranieny
ZŠA za dva tydni ŭdaraŭ pa Iranie skarystali zapasy, raźličanyja na niekalki hadoŭ
Tramp paabiacaŭ mocnyja ŭdary pa Iranie na nastupnym tydni
Tramp zajaviŭ, što jaho bolš nie cikavić Nobieleŭskaja premija miru
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary