Najlepšym dvornikam Mahilova staŭ ciemnaskury biełarus z hviniejskimi karaniami
Kali daviedaŭsia, što jaho partret raźmieściać na Došcy honaru, jon raspłakaŭsia.
Ismaił Suma pracuje ŭ ŽEU №7 Mahilova dvornikam. Miascovyja žychary nazyvajuć jaho «budzilnikam». U minułym hodzie jon uziaŭ adnu z kamunalnych viaršyń — staŭ najlepšym dvornikam Mahilova, raspaviadaje STB.
Jaho zona adkaznaści — prydamavaja terytoryja častki mikrarajona Jubilejny. Praca ciažkaja, kaža jon, — listota, śnieh, treba adbivać lod. A kali projduć daždžy, mokraje liście stanovicca vielmi ciažkim.
Ismaił — biełarus z hviniejskimi karaniami.
«Ja vielmi lublu Biełaruś, bo jana čystaja, pryhožaja, tut šmat busłoŭ», — havoryć jon.
Miascovyja žychary śćviardžajuć: ź jaho źjaŭleńniem kala padjezdaŭ i ŭ dvary stała našmat čyściej. Jany ličać jaho lepšym rabotnikam i navat žartujuć, što jaho varta pryznačyć načalnikam.
Upieršyniu ŭziać u ruki małatok Ismaiła prymusiła žyćcio. «Ja ŭ mamy adzin, baćki nie było. Chaciełasia navučycca mužčynskaj spravie, choć ćvik zabić. A pryjšoŭ siudy — i šmat čamu navučyŭsia», — raspaviadaje Ismaił.
Zaraz jon pavyšaje kvalifikacyju i choča stać rabočym pa kompleksnym absłuhoŭvańni damoŭ. Heta krok da bolšaha zarobku i mary ab padarožžach. A paśla pracy Ismaił tancuje.
Praca rabotnikaŭ ŽKH zaŭsiody navidavoku, tamu nie abychodzicca biez krytyki i skarhaŭ. Časam zdajecca, što namahańni zastajucca niezaŭvažanymi. Ale toje, što takich, jak Ismaił, ceniać, dakazaŭ raptoŭny zvanok, jaki davioŭ mahiloŭskaha dvornika da śloz: jaho imia zanieśli na Došku honaru ŽEU:
— Mianie ŭznaharodžvajuć — na Došku honaru. Budu ŭ centralnym ŽEU visieć.
— Voś tolki što tabie paviedamili?
— Tak.
— A čaho ŭ ciabie ślozy?
— Ad ščaścia.
— Nie čakaŭ ty?
— Nie.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary
??? I dzie heta Vam takoje ščaście vypała žyć pobač z padobnymi ..babkami ??? U Biełarusi
Navat u byłych vajskovych haradkach Babrujska padobnych ni sustrakał
Ci prydumlajecie niešta ??
Davoli častaja situacyja kali žančyny ciažarać ad afra i zastajucca ich dzieci biez baćki