Źjaviŭsia kalandar «Ščyry rok-n-roł».
Źjaviŭsia kalandar «Ščyry rok-n-roł».
Na kožny miesiac hoda — pa adnym ajčynnym rok-vykanaŭcu, jaki naradziŭsia ŭ hety čas. Kalandar biezterminovy, to bok na im niama ni dzion tydnia, ni hoda. Hałoŭnaje — partrety lubimych rokieraŭ.
Padbor muzykaŭ davoli strakaty. Aleh Chamienka, Alaksandr Kulinkovič, Rusia, Bieńka (Śviatłana Bień), Maks Ivašyn, Źmicier Dolnik. Vydaviec kalendara, dyrektar studyi hukazapisu «Osmas» Pavieł Jurcevič tłumačyć taki vybar prosta:
«Na kalendary tyja ludzi, jakija pracavali z nami na studyi, i da jakich zmahli daciahnucca».
U kalendary źmieščany i partret Tamary Lisickaj. Uźnikaje pytańnie nakont jaje datyčnaści da roku. Sp. Jurcevič kaža, što źjaŭleńnie žurnalistki nievypadkovaje, bo «jana — dy-džej na radyjo i dla rok-muzyki zrabiła šmat».
Na fotazdymkach muzyki adlustravanyja takimi, jakimi jość u žyćci.
«Zamiest prycharošanych, hłamurnych vobrazaŭ, praŭlenych «fotašopam», tut — sapraŭdnyja, jak by zakulisnyja, niesceničnyja.
Na abliččach — smutak i radaść, rasčaravańni i nadziei, hruz i dośvied pražytych hadoŭ. Nijakaha paziorstva i pastanovak».
U kancy hoda ŭ praciah prajekta płanujecca adkryć fotavystavu, na jakoj budzie sabrana kala 80 partretaŭ ajčynnych rok-muzykaŭ, muzkrytykaŭ, žurnalistaŭ. Tych, chto ŭpłyvaje na muzyčny praces u Biełarusi.
Zamović kalandar možna tut.
Śpis muzykaŭ u kalendary vyhladaje tak:
Studzień — Volha Samusik (rok-kniazioŭna 2007). Naradziłasia 07.01
Luty — Źmicier Dolnik (hurt The UNB). Naradziŭsia 22.02
Sakavik — Rusia (hurty Indiga, Akana, rok-kniazioŭna 2005). Naradziłasia 15.03
Krasavik — Aleh Chamienka (hurt «Pałac»). Naradziŭsia 04.04
Travień — Alaksandar Kulinkovič (hurt «Niejra Dziubiel», rok-karol 1998 , 2007). Naradziŭsia 18.05
Červień — Bieńka (hurt «Sieriebrianaja Svad́ba»). Naradziłasia 20.06
Lipień — Źmicier Vajciuškievič (hurt WZ-Orkiestra). Naradziŭsia 20.07
Žnivień — Tamara Lisickaja. Naradziłasia 02.01
Vierasień — Maks Ivašyn (Piano Man). Naradziŭsia 25.11
Kastryčnik — Zoja Karalčuk (hurt ZM99). Naradziłasia 21.10
Listapad — Michiej Nasarohaŭ (hurt Rocker Jocker). Naradziŭsia 01.11
Śniežań — Julija Hłušyckaja (hurt «Dzieci Dziaciej»). Naradziłasia 29.12
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik55
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1818
Kamientary