Zašpilvać pinžak na ŭsie huziki ŭ śviecie mužčynskaj mody ličycca hrubaj pamyłkaj. Ale adkul uziałosia heta praviła?
Adno z hałoŭnych patrabavańniaŭ da adnabortnaha mužčynskaha pinžaka na dvuch huzikach hučyć kateharyčna: nižni zaŭsiody pavinien być rasšpileny. Na dumku mnohich kraŭcoŭ i stylistaŭ, tak pinžak vyhladaje lepš, piša The New York Times.
Jak tłumačyć Ałan Fłasier — viadomy kraviec, jaki apranaje pradstaŭnikoŭ dziełavoj elity, i aŭtar knihi «Apranajučy mužčynu» (Dressing the Man), — kłasičny kroj mužčynskaha pinžaka raźličany tak, kab padkreślić fihuru: zrabić taliju vizualna vuziejšaj, nohi — daŭžejšymi, a siłuet — bolš strojnym. Kali zašpileny tolki vierchni huzik, tkanina ruchajecca svabodna razam ź ciełam, utvarajučy akuratnuju naturalnuju liniju.
Kali ž zašpilić i nižni huzik, pinžak pačynaje ciahnuć u vobłaści ściohnaŭ, siłuet «łamajecca» i vyhladaje mienš elehantna. Zamiest lohkaści źjaŭlajecca adčuvańnie skavanaści.
Isnuje papularnaja lehienda, što hetaje praviła ŭvioŭ brytanski karol Eduard VII. Jon pačaŭ rasšpilvać nižni huzik svajho pinžaka paśla taho, jak nabraŭ vahu i adčuvaŭ dyskamfort. Dvor i hramadstva chutka padchapili novuju zvyčku, i jana zamacavałasia jak norma.
Z časam heta stała nastolki pryniatym standartam, što sučasnyja pinžaki šyjuć užo z raźlikam na toje, što nižni huzik vykarystoŭvacca nie budzie.
Pa słovach krytyka mužčynskaha adzieńnia Dereka Haja, siońnia nižni huzik i piatla dla jaho — faktyčna rudymientarnyja detali, padobna da piatli na łackanie, jakaja kaliści dazvalała zašpilić pinžak da samaj šyi, ci da malusieńkaj kišeni dla maniet na džynsach.
Tym nie mienš praviła nie absalutnaje. Časam ludzi śviadoma jaho parušajuć — naprykład, kab vyhladać bolš «sabranymi» abo schavać niejkija asablivaści fihury. Ale tut važny niuans: adzieńnie — heta nie tolki pra kamfort, ale i pra sihnały, jakija vy pasyłajecie inšym.
Dla tych, chto raźbirajecca ŭ kłasičnym styli, zašpileny nižni huzik moža być uspryniaty jak nievuctva. Bolš za toje, jon moža stvaryć uražańnie, što čałaviek zanadta starajecca kantralavać svoj vyhlad — i heta pracuje suprać naturalnaści i ŭpeŭnienaści.
Jość, praŭda, adno vyklučeńnie. U dvuchbortnych pinžakach nižni huzik zašpilvać možna — heta nie parušaje estetyki.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Hetaje praviła ci zababon viadomy ź dziacinstva ...škoły hadoŭ 50))))
Kali siadzieć tak zručna ...