Biełarusy 25 hadoŭ ličyli hety brend prysmakaŭ rasijskim — i pryncypova jaho ihnaravali
Mnohija biełarusy ŭ šoku, što prysmaki brenda «Šakaładava» vyrablajuć u Biełarusi: «Realna? Pa naźvie dumała, što Rasija — i navat u ruki nie brała».
U Threads kampanii źjaviŭsia dopis: «Naradziŭsia. Vyrablaješ u Biełarusi 25 hadoŭ jakasnyja i smačnyja prysmaki. Usie dumajuć usio jašče, što vy rasijskaja kampanija».
Šmat dla kaho heta stała sapraŭdy adkryćciom — ruskamoŭnuju nazvu «Šokoładovo» intuityŭna asacyjavali z Rasijaj.
Choć, akazvajecca, pradukcyju pad brendam «Šakaładava» vypuskaje AAT «Mantbruk» na fabrycy ŭ Kaladzičach pad Minskam.
«U stolki hadoŭ daviedałasia, što vy ź Biełarusi», «U vas jašče padabienstva z «Jaškina», žoŭty koler, nadpis…», «Ja zaŭsiody ličyła vas tannym rasijskim vytvorcam niedzie z-pad Branska. Źmianicie nazvu!» — pišuć ludzi.
Ludzi pryznavalisia, što pryncypova ihnaravali pradukcyju «Šakaładava», bo byli ŭpeŭnieny ŭ rasijskim pachodžańni prysmakaŭ: «Kožny raz prachodziła mima, bo dumała, što vy rasijskaja fabryka, a mnie rasijskaje zvyčajna niasmačnaje. Prosta zakančvajecca na —ova, a ŭ mianie asacyjacyja, što heta rasijskaje pasielišča», «Taksama nie kuplaŭ praz nazvu. Dumaŭ, rasijskaja chimija».
Byli i mienš pryncypovyja kamientatary: «A ja i dumaju: niejak na dziva smačna dla rasijskaha vytvorcy».
Niechta pačaŭ prapanoŭvać alternatyŭnyja varyjanty nazvy — Šakałodziščy, Šakaładavičy, Šakaładzinsk, Šakaładziečna, i navat Šakaładaŭščyna.
Byli prapanovy dadać niešta biełaruskaje na abhortku — busłoŭ, zubroŭ, vałoški. I, kaniešnie, davać na abhortcy infarmacyju pa-biełarusku: «Pišycie pa-biełarusku i nie durycie hałavu ludziam».
Ciapier čytajuć
Siarhiej Cichanoŭski pierabraŭsia žyć u Łos-Andželes63
Kamientary
2) Dadajom "Ѣ" i łubočnuju estetyku dla tradycyjnaści
3) ....
4) My - biełaruski brend!