U Minsku žančynu zatrymali na dachu i zaviali kryminalnuju spravu
Vidavočcy patelefanavali ŭ milicyju i skazali, što na dachu šmatpaviarchovika staić žančyna ŭ nieadekvatnym stanie. Na miesca chutka prybyŭ patrul, piša ahienctva «Minsk-Naviny».
Supracoŭniki milicyi pabačyli na dachu 48‑hadovuju žančynu, jakaja nie reahavała na pytańni. Kab praduchilić mahčymuju niebiaśpieku dla jaje žyćcia, jaje schapili za ruki. U hety momant žančyna vypuściła sumku, ź jakoj vypaŭ špryc z zabaronienym rečyvam.
Spačatku žančynu dastavili na miedycynskaje abśledavańnie, a paśla taho raspačali suprać jaje kryminalnuju spravu.
Na sudzie jana pryznała vinu i raskazała, što kala dvuch hadoŭ užyvała psichatropnaje rečyva alfa-PVP, jakoje nabyvała praź nielehalnyja internet-kramy. Apošniuju dozu jana spačatku nie zmahła znajści pa kaardynatach, ale paźniej viarnułasia i adšukała schovanku. Doma pryhatavała rastvor i ŭviała jaho, a paśla vyrašyła vykarystać reštki, padniaŭšysia na dach.
Paviedamlajecca, što žančyna nie pracuje, maje małaletniaje dzicia i raniej užo była sudzimaja.
Sud pryznaŭ jaje vinavataj u niezakonnym nabyćci i zachoŭvańni psichatropnych rečyvaŭ biez mety zbytu i pryznačyŭ pakarańnie ŭ vyhladzie abmiežavańnia voli na dva hady biez nakiravańnia ŭ papraŭčuju ŭstanovu. Taksama joj pryznačana prymusovaje lačeńnie ad narkazaležnaści.
U Varšavie biełarus vykidaŭ z akna roznyja pradmiety, jaho ŭtajmavała palicyja
18‑hadovaja dziaŭčyna ŭ Breście pamierła ad pieradaziroŭki, było vyjaŭlena vosiem narkotykaŭ
U Minsku mužčyna pierakuliŭ u kramie dźvie skrynki vina, ale sudzić jaho buduć nie za heta
U Minsku nieadekvatny mužčyna razhramiŭ dziciačy sad
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary