Centrabank RF: Ekanomika Rasii ŭpieršyniu ŭ historyi sutyknułasia ź niedachopam rabočaj siły
Vajna z Ukrainaj pry hetym nie zhadvajecca.
Ekanomika Rasii ŭpieršyniu ŭ sučasnaj historyi sutyknułasia ź niedachopam rabočaj siły. Pra heta zajaviła staršynia Centralnaha banka Elvira Nabiulina padčas Biržavoha forumu Maśbiržy, pišuć «Viedamaści».
«Heta novaja realnaść dla ŭładaŭ, novaja realnaść dla biznesu», — zaŭvažyła jana.
Nabiulina adznačyła, što zaraz paharšeńnie źniešnich umoŭ praciahvajecca amal na pastajannaj asnovie. Heta i razhon inflacyi da pačatku minułaha hoda da 10%, i jość śviedčańni pierahrevu ekanomiki.
15 krasavika prezident RF Uładzimir Pucin na naradzie pa ekanamičnych pytańniach paviedamiŭ, što biespracoŭje ŭ Rasii praciahvaje zastavacca na nizkim uzroŭni (2,1%). Na jaho dumku, heta dazvalaje kazać pra źmieny na rynku pracy ŭ krainie.
Vajna z Ukrainaj pry hetym nie zhadvajecca. U sakaviku 2026 hoda Pucin padpisaŭ ukaz ab pavieličeńni kolkaści ŭzbrojenych sił RF da rekordnych ličbaŭ — kala 2,3 miljona čałaviek, ź jakich 1,5 młn — niepasredna vajskoŭcy.
Pavodle apošnich padlikaŭ žurnalistaŭ Ruskaj słužby Bi-bi-si i vydańnia «Miedyjazona» na asnovie adkrytych źviestak, paćvierdžanyja straty Rasii ŭ vajnie suprać Ukrainy pieravysili 200 tysiač čałaviek.
Mižnarodnyja arhanizacyi i zachodnija raźviedki dajuć značna bolšyja acenki ahulnych strat Rasii — sotni tysiač zahinułych i bolš za miljon paranienych. Pavodle niekatorych źviestak, u 2025 hodzie štomiesiačna z pola boju vybyvała kala 35 tysiač rasijskich vajskoŭcaŭ.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva4
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3030
Kamientary