Alaksandr Łukašenka 30 krasavika padpisaŭ ukaz «Ab raźvićci małočnaj haliny». Dakumient praduhledžvaje budaŭnictva abo rekanstrukcyju ŭ 2026—2028 hadach nie mienš jak 73 małočna-tavarnych kompleksaŭ u arhanizacyjach ahrapramysłovaha kompleksu. Taksama płanujecca stvareńnie ŭsioj nieabchodnaj infrastruktury dla ich pracy.
Arhanizacyi, jakija buduć realizoŭvać hetyja inviestycyjnyja prajekty, vyznačyć Saviet Ministraŭ. Śpis sfarmirujuć na asnovie prapanoŭ, padrychtavanych abłvykankamami.
Ukaz vyznačaje ŭmovy realizacyi prajektaŭ i patrabavańni, jakim jany pavinny adpaviadać.
Taksama ŭstanoŭleny maksimalny abjom finansavańnia adnaho prajekta — 27 miljonaŭ rubloŭ.
Akramia taho, dakumient dazvalaje pry budaŭnictvie vykarystoŭvać normy z ukaza №46 ad 31 studzienia 2025 hoda «Ab asablivaściach budaŭnictva i pryjomki abjektaŭ u ekspłuatacyju». Heta robicca dla źnižeńnia koštu rabot i bolš chutkaj realizacyi prajektaŭ.
Za nienaležnaje abo niesvoječasovaje vykanańnie patrabavańniaŭ ukaza praduhledžanaja piersanalnaja adkaznaść słužbovych asobaŭ — až da kryminalnaj.
Taksama dakumient vyznačaje krynicy finansavańnia budaŭnictva małočna-tavarnych kompleksaŭ na 2026 hod.
Łukašenka z čynoŭnikami adznačyŭ šampanskim dabudavany karoŭnik
Pastaŭski małočny zavod patłumačyŭ, čamu piša haniebnuju «Biełoruśsiju» na svaich pačkach
Połacki małočny kambinat pradali «Savuškavamu praduktu»
U Rasii niezadavoleny «Savuškavym praduktam» i «Siervaluksam»: u ich tvarahu znajšli niebiaśpiečnaje rečyva
Upieršyniu za dziesiacihodździe «Biełłakt» spracavaŭ ź minusam, dy jašče i ahromnistym. I voś čamu
Čym nasamreč «razbaŭlajuć» małako na zavodzie i jak dabivajucca patrebnaj tłustaści masła
Kamientary