Lufthansa zdajecca — ciapier i ŭ jaje buduć bilety biez bahažu. Pryčym ručnuju pakłažu dazvalajuć mienšuju, čym u łaŭkostaŭ
Čamadan abo navat zvyčajny zaplečnik možna ŭziać tolki za dadatkovyja hrošy.
Z 19 maja avijahrupa Lufthansa zapuskaje novy typ bileta — Economy Basic. Nabyć jaho možna ŭžo z 28 krasavika.
Novy taryf — samy tanny ŭ liniejcy kampanii. Ale za hetuju dastupnaść daviadziecca zapłacić abmiežavańniami: pasažyr moža ŭziać na bort tolki nievialikuju asabistuju reč — sumku dla noŭtbuka abo maleńki zaplečnik pamieram nie bolš za 40×30×15 sm.
Pakazalna, što heta navat mieniej, čym dazvalajuć łaŭkosty: naprykład, Wizz Air biaspłatna dapuskaje sumki da 40×30×20 sm.
Paŭnavartasny ručny bahaž — čamadan abo zvyčajny zaplečnik — u Lufthansa ŭžo za dadatkovyja hrošy. Naturalna, zarehistravany bahaž taksama nie ŭvachodzić u košt bileta.
Novy taryf budzie dastupny na ŭsich avijakampanijach hrupy: akramia samoj Lufthansa, heta SWISS, Austrian Airlines, Brussels Airlines, Discover Airlines, Lufthansa City Airlines i Air Dolomiti. Raspaŭsiudžvajecca na karotkija i siarednija jeŭrapiejskija maršruty.
Varta adznačyć, što źmieny adbyvajucca na fonie abmierkavańnia ŭ Jeŭraparłamiencie zakonaprajekta, jaki moža abaviazać avijakampanii ŭklučać ručny bahaž u košt bileta biaspłatna. Kali zakon prymuć, Lufthansa daviadziecca pierahledzieć novuju palityku.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary