U Minsku adkryvajecca muziej naiŭnaha mastactva — abiacajuć vystavy jak ad zorak žanru, tak i ad biazdomnych
Aficyjnaje adkryćcio muzieja zapłanavanaje na 4 červienia, ale naviedać jaho možna ŭžo ciapier: novaja prastora pracuje ŭ testavym režymie.
Płanujecca, što ŭ muziei buduć prachodzić vystavy naiŭnych mastakoŭ. U tym liku buduć karciny ludziej z asablivaściami i psichičnymi dyjahnazami.
Stvaralniki muzieja marać, što na ścienach ich prastory pracy suśvietna viadomych mastakoŭ buduć susiedničać z karcinami biazdomnych z vulic.
«Nam plavać na rehalii. Da nas moža trapić chto zaŭhodna», — apisvajuć svoj padychod da napaŭnieńnia ekspazicyi supracoŭniki.
Ź cikavostak interjeru — častka pakinutych ad dziciačaha centra rečaŭ. Naprykład, vialiki hryb i nie mienš abjomnyja cukierki pad stollu. A jašče — skanstrujavany ŭ savieckim styli pakoj jak adkaz trendu na nastalhiju. Vydatnyja dekaracyi dla kreatyŭnych fotazdymkaŭ.
Užo ciapier kožny achvotny moža zapisacca na adzin z majstar-kłasaŭ muzieja. Tut možna, naprykład, kastamizavać staryja rečy, stvaryć malavanku svaimi rukami, navučycca rabić art-kałažy ci zasvoić japonskuju vyšyŭku sašyka.
Asobna na placoŭcy buduć arhanizoŭvać mierapryjemstvy dla ludziej va ŭzroście 60+.
Košt majstar-kłasaŭ składaje ad 40 da 109 rubloŭ z čałavieka.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary