Ale niekalki ŭklučanyja paŭtorna.
U pieraliku «ekstremisckich» farmiravańniaŭ i arhanizacyj na 5 maja 2026 hoda 350 farmavańniaŭ i arhanizacyj, adnak ahulnaja kolkaść pazicyj u pieraliku 365.
Roźnica źviazana z tym, što tudy asobna ŭklučajucca dapaŭnieńni, šerah punktaŭ paŭtarajecca. Niekatoryja abjadnańni hramadzian pryznanyja jak EF, tak i EA, piša «Pozirk».
Kolkaść redakcyj i inšych miedyjastruktur u śpisie dasiahnuła 60. Ich dola ŭ śpisie składaje 17%.
Z ulikam hetaha da miedyjaśfiery adnosiacca 64 pazicyi z 365 (17,5%).
Dapaŭnieńni aformlenyja ŭ dačynieńni da telekanała «Biełsat», a taksama redakcyj «Lusterka» i KYKY. Akramia taho, Biełaruski rasśledavalnicki centr (BRC) pryznany jak EA (15 vieraśnia 2023 hoda), tak i EF (31 sakavika 2026-ha).
U pieralik uklučana ahułam 137 čałaviek, jakija, na dumku biełaruskich siłavych struktur, majuć dačynieńnie da EF i EA ŭ miedyjaśfiery. Dvoje ź ich zhadanyja dvojčy: Fiodar Paŭlučenka (BRC i reform.news) i Alaksandr Jaraševič (BRC i «BiuroMiedyja»).
Składać śpis, jaki aficyjna nazyvajecca «Pieralik arhanizacyj, farmiravańniaŭ, indyvidualnych pradprymalnikaŭ, jakija majuć dačynieńnie da ekstremisckaj dziejnaści» siłaviki atrymali prava dziakujučy pastanovie Savieta ministraŭ ad 12 kastryčnika 2021 hoda «Ab mierach procidziejańnia ekstremizmu i reabilitacyi nacyzmu» za podpisam eks-premjer-ministra Ramana Hałoŭčanki.
U dačynieńni da arhanizacyj i struktur miedyjasiektara ŭ kastryčniku-śniežni 2021 hoda było pryniata 4 rašeńni ab uklučeńni ŭ śpis, u 2022 hodzie — 15, u 2023‑m i 2024‑m — pa 14, u 2025‑m — 13, z pačatku 2026‑ha — 4.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary