Rasija na miažy vyčarpańnia hrošaj: deficyt biudžetu za 4 miesiacy ŭ paŭtara raza pieravysiŭ prahnoz na ceły hod
Rasijskaja finansavaja sistema sutyknułasia z surjoznym vyprabavańniem: pavodle źviestak Minfina RF, za pieršuju treć 2026 hoda dzirka ŭ dziaržaŭnaj kaźnie razrasłasia da značnych pamieraŭ — kala $80 młrd pa siońniašnim kursie. Vydatki ŭrada tak imkliva apiaredžvajuć dachody, što hadavy limit deficytu byŭ prajedzieny ŭsiaho za čatyry miesiacy.
Situacyja vyhladaje dla rasijan krytyčna: zamiest zapłanavanych na ŭvieś hod 3,8 tryljona rasijskich rubloŭ deficytu (kala $52 młrd pa siońniašnim kursie), Rasija ŭžo atrymała minus u 5,877 tryljona rasijskich rubloŭ (kala $80 młrd).
Dachody fiederalnaha biudžetu pa vynikach studzienia—krasavika skłali 11,7 trłn ras. rub., vydatki — 17,6 trłn ras. rub., paviedamiŭ Minfin RF. U vyniku deficyt biudžetu vyras z 4,6 trłn ras. rub. (1,9% VUP) za pieršy kvartał da 5,9 trłn rub. (2,5% VUP) za čatyry miesiacy 2026 hoda. U 2025‑m za taki ž pieryjad pakazčyk byŭ udvaja mienšym i składaŭ 1,4% VUP.
Asnoŭnaja pryčyna takoha finansavaha pravału — kałasalnyja vydatki na vajennyja patreby i avansavańnie dziaržzakazaŭ, jakija vyraśli bolš čym na 40% u paraŭnańni ź minułym hodam.
Dachodnaja častka biudžetu pa vynikach studzienia—krasavika adnosna takoha ž pieryjadu minułaha hoda skaraciłasia na 4,5%. Chacia hetaje adstavańnie ad letašnich pakazčykaŭ pamianšajecca, piša «Kommiersant». Tak, naftahazavyja pastupleńni padraśli na 10,2% hod da hoda (pa vynikach troch miesiacaŭ było 7,1%), skłaŭšy 9,4 trłn ras. rub. Hałoŭny ŭkład u dachody tradycyjna ŭnios PDV (unutrany i pry imparcie), jaki źbirajecca pa novaj staŭcy, — plus 20,2% hod da hoda (5,3 trłn ras. rub.).
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary
Kak tolko normalizujut finansovuju sistiemu i ekonomiku, tak srazu poprut po-novoj.
Tak ustrojena Rośsija, 400 let tak, "lišnije" dieńhi, jeśli pojavlajutsia, to srazu tratiatsia na vojnu i utilizaciju sobstviennoho nasielenija.
Raspuchši zavojevannymi tierritorijami sosiednich stran i narodov, do tiepieriešnich raźmierov, vsiudu postrojena nieustrojennosť i zapusta.
Vozmožno, kromie cientra Moskvy i Pitiera.
Da i nado naviazyvať 1,5 młn ubijc najomnikov, poetomu, polezut, s novoj vojnoj, jeśli nie na Ukrainu, to na Kazachstan, Pribałtiku da i v Biełarusi jesť hdie razhulaťsia.