U Litvie zatrymali mužčynu, jaki pryjšoŭ zabrać cyharety, pierapraŭlenyja šaram ź Biełarusi
U Salečnickim rajonie litoŭskija pamiežniki pierachapili pavietrany šar z kantrabandnym hruzam, jaki prylacieŭ ź Biełarusi, a taksama zatrymali mužčynu, što pryjšoŭ zabrać tavar, paviedamlaje Słužba achovy dziaržaŭnaj miažy Litvy.
Pamiežniki zaŭvažyli šar, jaki apuskaŭsia kala miažy, i znajšli jaho reštki razam z pakunkam, zahornutym u biełuju plonku. Pobač jany arhanizavali zasadu.
Praź niekalki hadzin da hetaha miesca pryjšoŭ 23‑hadovy miascovy žychar. Jak śćviardžajuć litoŭskija słužby, jon mieŭ namier zabrać hruz.
U pakunku znajšli 1500 pačkaŭ cyharet NZ Gold ź biełaruskimi akcyznymi markami. Pavodle acenak litoŭskaha boku, košt kantrabandy z ulikam padatkaŭ pieravyšaje 8 tysiač jeŭra.
U dačynieńni da zatrymanaha raspačali kryminalnaje rasśledavańnie za niezakonny abarot padakcyznych tavaraŭ. Pavodle zakanadaŭstva Litvy, jamu moža pahražać štraf abo da čatyroch hadoŭ pazbaŭleńnia voli.
Litoŭskija pamiežniki taksama paviedamili, što z pačatku hoda pierachapili ŭžo 97 hruzaŭ, dastaŭlenych pavietranymi šarami, i zatrymali 37 čałaviek, źviazanych z takimi schiemami.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
Otviet - nikohda, vied́ eti mužčiny vładiejut proizvodstvom sihariet v Biełarusi i chodiat pod sieḿjoj łukašienok, rabotaja na etu sieḿju.
Tiem boleje, v śvietie podhotovki vojny s Natoj, etimi šarami vzłamyvajut PVO Naty, skaniruja častoty PVO, sostavlaja karty miestopołožienija PVO Naty.
Vtoroje nado russkomu miru Rośsii, mužčinam chodiaŝim pod sieḿjoj łukašienko eto -dopzarabotok.