Ministerstva zamiežnych spraŭ Litvy vyklikała pradstaŭnika biełaruskaj ambasady ŭ Vilni i vykazała pratest u suviazi z parušeńniem pavietranaj prastory krainy ŭ noč na 13 maja.
Litoŭski bok zajaviŭ, što incydent stvaryŭ pahrozu dla cyvilnaj avijacyi i prymusiŭ časova ŭvodzić abmiežavańni ŭ pavietranaj prastory nad aeraportam Vilni.
U MZS Litvy adznačyli, što razhladajuć takija vypadki jak surjoznaje parušeńnie mižnarodnaha prava i hibrydnuju ataku, adkaznaść za jakuju ŭskładajuć na biełaruski bok.
Taksama Litva zaklikała Biełaruś vykonvać mižnarodnyja abaviazacielstvy pa kantroli situacyi ŭ svajoj pavietranaj prastory i zrabić zachady, kab padobnyja incydenty nie paŭtaralisia.
Raniej stała viadoma, što ŭ noč na 13 maja aeraport Vilni na hadzinu spyniaŭ pracu. Jon byŭ zakryty z 2:16 da 3:16 nočy. Ułady Litvy zajavili, što ŭ zonie pavyšanaj ryzyki dla avijacyi byli zafiksavanyja abjekty, padobnyja da pavietranych šaroŭ. U vyniku byli zakranutyja dva avijarejsy: adzin admianili, druhi nakiravali ŭ Kapienhahien. Niazručnaści zakranuli 128 pasažyraŭ.
Raniej padobnyja pieraboi ŭ pracy aeraporta Vilni ŭžo adbyvalisia ŭ pačatku krasavika z-za tych ža mieteazondaŭ.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary