U Litvie zajavili pra cisk z boku ZŠA pa adnaŭleńni tranzitu biełaruskaha kaliju
Ministr zamiežnych spraŭ Litvy Kiastucis Budrys na zakrytym pasiadžeńni frakcyi sacyjał-demakrataŭ pryznaŭ, što z boku ZŠA akazvajecca cisk z metaj dazvolić tranzit biełaruskich uhnajeńniaŭ praź Litvu, piša Lrytas.
«Da siońniašniaha dnia, jak publična, tak i vam, ja paŭtaraŭ, što na nas niama nijakaha cisku z boku amierykancaŭ i nijakich pytańniaŭ, źviazanych z uhnajeńniami — jak hetyja sankcyi ŭvodziacca i padobnaje. Siońnia ja mahu skazać, što cisk uźnikaje», — pracytavała krynica słovy Budrysa.
Pavodle źviestak krynic BNS, ministr zajaviŭ na sustrečy, što cisk akazvajecca nie tolki na Litvu, ale i na inšyja krainy rehijonu, praź jakija moh by ažyćciaŭlacca tranzit. Adnak Litva ličycca najbolš pryvabnym maršrutam dla transparciroŭki ŭhnajeńniaŭ u Bałtyjskaje mora.
Budrys admoviŭsia paćvierdzić žurnalistam u čaćvier słovy, skazanyja na zakrytym pasiadžeńni frakcyi sacyjał-demakrataŭ, ale zajaviŭ, što z boku ZŠA nazirajecca «dadatkovaja aktyŭnaść» pa pytańni tranzitu ŭhnajeńniaŭ.
Litva prypyniła tranzit biełaruskich kalijnych uhnajeńniaŭ z 1 lutaha 2022 hoda paśla taho, jak ZŠA ŭ 2021 hodzie ŭviali sankcyi suprać «Biełaruśkalija» ŭ adkaz na parušeńni pravoŭ čałavieka, represii suprać hramadzianskaj supolnaści i falsifikacyju prezidenckich vybaraŭ u Biełarusi.
ZŠA admianili hetyja sankcyi ŭ hetym hodzie, kali režym Łukašenki vyzvaliŭ niekatorych palityčnych źniavolenych.
-
Śvińnia źjaviłasia i źnikła ŭ telehram-kanale Dźmitryja Miadźviedzieva
-
«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
-
Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak35
Kamientary