U Danii znajšli miortvaha kita. Heta moža być vyratavany dva tydni tamu kala bierahoŭ Hiermanii Cimi
Žyviolinu znajšli prykładna za 200 kiłamietraŭ ad miesca, dzie jaho 2 maja vypuścili ŭ bok Paŭnočnaha mora.
Kala dackaha vostrava Ancholt byŭ znojdzieny miortvy kit, jaki, pa danych dackaha ekałahičnaha viedamstva, «z vysokaj vierahodnaściu» moža być Cimi — harbaty kit, za losam jakoha niekalki tydniaŭ nazirali ŭ Bałtyjskim mory, piša Bild.
Žyviołu znajšli prykładna za 200 kiłamietraŭ ad miesca, dzie jaho 2 maja vypuścili ŭ bok Paŭnočnaha mora.
Jak piša vydańnie Ekstra Bladet, kit kala Ancholta, vierahodna, miortvy ŭžo niekatory čas. U inicyjatyŭnaj hrupie, jakaja zajmałasia Cimi, pakul nie viedajuć, ci sapraŭdy heta jon.
Siońnia padčas adlivu ŭłady płanujuć uziać u žyvioliny ŭzor tkanki, kab ustalavać jaje prynaležnaść.
Supracoŭnik dackaha viedamstva Morten Abildstram skazaŭ, što havorka moža iści pra harbataha kita daŭžynioj 10—15 mietraŭ, jaki vykinuŭsia na bierah. Na pieršych fotazdymkach vidać, što skura žyvioliny mocna paškodžanaja.
Ułady zaklikali ludziej nie nabližacca da tušy: kit moža być pieranosčykam infiekcyi, akramia taho, praz nazapašvańnie hazaŭ cieła miortvaha marskoha mlekakormiačaha moža ŭzarvacca.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary