SK rasśledavaŭ žorstkaje zabojstva ŭ Čerykavie, što adbyłosia niekalki miesiacaŭ tamu
Zabojstva adbyłosia ŭ noč na 25 śniežnia. Za dzień da svajho 47‑hodździa zahinuła žančyna.
Pavodle viersii śledstva, 40‑hadovy mužčyna, znachodziačysia ŭ stanie mocnaha ałkaholnaha apjanieńnia, nanios haspadyni doma šmatlikija ŭdary kuchonnym nažom i inšymi pradmietami, jakija znachodzilisia na kuchni.
«Śledčyja ŭstanavili, što paśla zabojstva mužčyna fihurant taksama ździejśniŭ ździek nad trupam. Jon paśmiarotna nanios zahinułaj šmatlikija kołata-rezanyja ranieńni, paśla čaho paškodziŭ častku miakkich tkanak i orhanaŭ», — dadali ŭ SK.
Na dopycie mužčyna rastłumačyŭ, što viečaram 24 śniežnia pryjšoŭ u hości da byłoj žonki svajho stryječnaha brata, kab abmierkavać jaje asabistyja prablemy.
«Paśla sumiesnaha ŭžyvańnia ałkaholu jon pačaŭ prystavać da žančyny, ale atrymaŭ admovu — heta vyklikała ahresiju. Paśla ździejśnienaha złačynstva jon pasprabavaŭ schavać ślady: spaliŭ svaje rečy i abutak», — paviedamili ŭ SK.
Abvinavačańni vystaŭlenyja pavodle p. 6 č. 2 art. 139 (zabojstva, ździejśnienaje z asablivaj žorstkaściu) i č. 1 art. 347 (ździek nad trupam) Kryminalnaha kodeksa. Raniej fihurant pryciahvaŭsia da kryminalnaj adkaznaści za kradziež.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary