Jašče jak minimum traich čałaviek asudzili pavodle administracyjnaha artykuła za ŭdzieł u abradzie «Hukańnie viasny» ŭ Homieli pa abvinavačańni ŭ praviadzieńni niesankcyjanavanaha masavaha mierapryjemstva, piša «Fłahštok».
Abrad prachodziŭ 21 sakavika, a termin pryciahnieńnia da adkaznaści pavodle KaAP — dva miesiacy z dnia ździajśnieńnia pravaparušeńnia. Tamu milicyjanty zmahli na zakonnych padstavach pakarać za ŭdzieł u abradzie jašče niekalkich čałaviek.
Nahadajem, raniej jak minimum adzin udzielnik «Hukańnia viasny» atrymaŭ 15 sutak aryštu, piać čałaviek — maksimalnyja štrafy ŭ 100 bazavych vieličyń, heta 4 500 rubloŭ (bolš za 1,5 tys. dołaraŭ). Jašče adzin čałaviek, jakoha paličyli arhanizataram, — štraf u 150 bazavych vieličyń, heta 6 750 rubloŭ (amal 2,3 tys. dołaraŭ).
Siarod tych, kaho aštrafavali, pavodle źviestak «Fłahštoka», byŭ i ŭčastkovy inśpiektar milicyi Viktar Šypkoŭ. Jaho nie stali zvalniać — dahetul jon značycca ŭčastkovym u bazie MUS.
Restaran «Spadčyna», dzie pravodzili abrad, praciahvaje pracu — jon byŭ začynieny niekatory čas, ale zatym znoŭ adkryŭsia. Praŭda, mierapryjemstvaŭ na temu biełaruskaj kultury i kuchni tut bolš nie anansujuć.
-
Katalicki sajt: Na Pieršym kanale katalickaja imša zastałasia, źnikła jana z kanała «Kultura»
-
Azaronak pra zakryćcio biełaruskich kram: Prybrali tamu, što vy heta lubili. Mnie nie lanota siadzieć i hladzieć, dzie što pradajuć
-
Cichanoŭskaja: Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj
Kamientary
Kab ty chłopiec spaŭ na piačy ŭ niavoli...