U Litvie pa spravie ab kantrabandzie zatrymany 27 čałaviek, siarod ich — 13 supracoŭnikaŭ siłavych struktur
U piatnicu pravaachoŭnyja orhany dali dadatkovuju infarmacyju pra maštabnuju apieracyju, jakuju ŭ apošnija dni pravodzili Biuro kryminalnaj palicyi i Hienieralnaj prakuratury Litvy, paviedamlaje LRT.
Namieśnik hienieralnaha kamisara palicyi Litvy Marus Draŭdviła na pres-kanfierencyi paviedamiŭ, što apieracyja źviazana z kantrabandaj cyharet z vykarystańniem mietearałahičnych pavietranych šaroŭ.
Pavodle jaho słoŭ, na hetym tydni ŭsiaho byli zatrymanyja 27 čałaviek, siarod ich — 13 supracoŭnikaŭ palicyi i Słužby achovy dziaržaŭnaj miažy.
«Členy złačynnaha abjadnańnia vykarystoŭvali GPS-pryłady, a taksama zašyfravanyja srodki suviazi, kab dakładna viedać, dzie pryziamlajucca mietearałahičnyja šary. <…> Potym jany zabirali ich, zachoŭvali i, viadoma, realizoŭvali kantrabandnyja cyharety», — raskazaŭ jon.
Ranicaj u aŭtorak bajcy śpiecpadraździaleńnia ARAS byli zaŭvažanyja kala šmatkvaternych damoŭ u Salečnikach, a paźniej — i kala budynka rajonnaha samakiravańnia. Pavodle nieaficyjnaj infarmacyi, adnym z zatrymanych u aŭtorak moh być supracoŭnik Słužby achovy dziaržaŭnaj miažy, a siarod zatrymanych taksama zhadvaŭsia supracoŭnik samakiravańnia.
Jak minimum dźvie krynicy paviedamili partału, što ŭ čaćvier pieratrusy pravodzilisia i ŭ kamisaryjacie palicyi Salečnikaŭ. Pavodle nieaficyjnych danych, u chodzie apieracyi byli zatrymanyja jak minimum siem čałaviek, adzin ź ich sprabavaŭ uciačy.
Častka zatrymanych užo nie ŭpieršyniu fihuruje ŭ padobnych spravach.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary