U Niderłandach archieołaha zatrymali za ŭtojvańnie pareštkaŭ d'Artańjana
U Niderłandach zatrymali archieołaha Vima Dejkmana, jakoha padazravali ŭ tym, što jon utojvaŭ kostki, jakija mohuć naležać lehiendarnamu francuzskamu muškiecioru Šarlu de Bacu de Kastelmoru, pravobrazu znakamitaha d’Artańjana z ramanaŭ Alaksandra Dziuma.
Hetyja pareštki — frahmient plečavoj kostki i dva zuby — byli znojdzienyja ŭ Maastrychcie ŭ siaredzinie sakavika. Miarkujecca, što jany mohuć naležać tamu samamu d'Artańjanu, jaki zahinuŭ u 1673 hodzie padčas abłohi hetaha horada vojskami francuzskaha karala Ludovika XIV.
Pamiž archieołaham i miascovymi ŭładami ŭźnik kanflikt: pakolki znachodka była zroblena na terytoryi horada, municypalitet chacieŭ atrymać pareštki dla dalejšaha vyvučeńnia. Adnak Dejkman zabraŭ ich sabie i zachoŭvaŭ doma, śćviardžajučy, što pieradaŭ ich nadziejnaj asobie i što jany znachodziacca ŭ siejfie.
Z-za hetaha ŭ mai inśpiekcyja pa achovie spadčyny zapatrabavała pieradać kostki, ale archieołah admoviŭsia. U vyniku jaho zatrymali, adnak paśla taho, jak jon usio ž pieradaŭ pareštki, jaho vyzvalili.
Pavodle niekatorych źviestak, na miescy znachodki byli znojdzienyja prykmiety, jakija mohuć paćviardžać vysoki status pachavanaha: naprykład, francuzskaja manieta i miesca pad ałtarom u carkvie, dzie ŭ toj čas chavali tolki važnych asob. Taksama paviedamlajecca, što ŭ rebrach škileta znajšli reštki kuli, što adpaviadaje viadomym abstavinam śmierci d'Artańjana.
Kančatkovaje paćviardžeńnie pavinny dać DNK-daśledavańni, jakija jašče nie zavieršanyja.
U Luksiemburhu ekshumavali prach kolišniaha kiraŭnika AUN, jaho pierapachavajuć va Ukrainie
Litoŭski daśledčyk nazvaŭ kankretnaje miesca, dzie schavanyja pareštki Vitaŭta Vialikaha
U Anhole znajšli pareštki paŭtysiačy čałaviek. Heta achviary palityčnych represij
Daśledavańni DNK pakazvajuć, što pieršaja polskaja dynastyja Piastaŭ taksama była pryšłaj. Jak Rurykavičy dy Hiedyminavičy
Kamientary
Ja ŭžo padumaŭ, što bajarski padoch(
Raschititieli mohił!