Prezident Ukrainy Uładzimir Zialenski adreahavaŭ na słovy salidarnaści, jakija lidarka biełaruskich demakratyčnych sił Śviatłana Cichanoŭskaja apublikavała ŭ sacyjalnaj sietcy X paśla maštabnaj rasijskaj ataki.
U svaim paście Śviatłana Cichanoŭskaja asudziła čarhovy akt ahresii i nahadała pra rolu minskaha režymu:
«Maje dumki — z žycharami Kijeva i ŭsimi ŭkraincami paśla masiravanaj načnoj ataki. Hety rasijski teror suprać mirnaha nasielnictva, jaki ažyćciaŭlajecca pry spryjańni režymu Łukašenki, pavinien być samym rašučym čynam asudžany. Ukraina maje patrebu ŭ bolšaj padtrymcy. Złačynnyja ahresary pavinny być pryciahnuty da adkaznaści».
U adkaz na hety dopis Uładzimir Zialenski koratka padziakavaŭ biełaruskaj lidarcy:
«Dziakuj za vašu padtrymku!»
U noč na 24 maja Rasija naniesła kambinavany ŭdar pa Ukrainie, vypuściŭšy 90 rakiet i 600 dronaŭ. Samy mocny ŭdar pryjšoŭsia na Kijeŭ i Kijeŭskuju vobłaść, u vyniku čaho paciarpieli bolš za 80 čałaviek, zahinuli mirnyja žychary.
Zialenski rezka prakamientavaŭ maštabny načny ŭdar pa Ukrainie.
Jon padkreśliŭ, što hetyja dziejańni Maskvy pavinny sustreć žorstki adkaz mižnarodnaj supolnaści, i zaklikaŭ śviet da aktyŭnaj padtrymki: «Siońnia kožny ŭ śviecie, chto nie pramaŭčyć, chto budzie dapamahać Ukrainie, źjaŭlajecca abaroncam žyćcia», — skazaŭ jon.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki1
Kamientary