Na fakultecie žurnalistyki BDU ŭžo jak minimum tydzień niama dekana. Raniej hetuju pasadu zajmaŭ kandydat histaryčnych navuk Alaksiej Bialajeŭ, piša Tochka.by.
Pra jaho zvalnieńnie paviedamleńniaŭ niama, adnak proźvišča Bialajeva prybrali z sajta žurfaka i ahulnaha sajta BDU. Na miescy pasady dekana imia ciapier adsutničaje.
Akramia taho, były dekan — časty hość u prahramach dziaržaŭnych ŚMI. Tak, u tok-šou «Budni» ad STB i «Alfa Radyjo» Bialajeva ciapier pradstaŭlajuć tolki jak palitołaha i kandydata histaryčnych navuk.
Nieviadoma, kali dakładna i pa jakoj pryčynie Bialajeŭ pakinuŭ pasadu. Apošniaja navina, dzie jon nazvany dekanam, na sajcie žurfaka BDU źjaviłasia ŭ siaredzinie maja 2026 hoda.
Alaksiej Bialajeŭ staŭ dekanam u lutym 2023 hoda paśla taho, jak fakultet amal piać miesiacaŭ nie mieŭ kiraŭnika paśla zvalnieńnia Volhi Samusievič.
Da pryznačeńnia dekanam fakulteta žurnalistyki Alaksiej Bialajeŭ pracavaŭ zahadčykam kafiedry palitałohii BDEU i aktyŭna davaŭ intervju žurnalistam, udzielničaŭ u prahramach STB, ANT, ahienctva «Minsk-Naviny» i BT
U 1996 hodzie Bialajeŭ skončyŭ fiłałahičny fakultet Viciebskaha dziaržaŭnaha ŭniviersiteta pa śpiecyjalnaści «Ruskaja mova i litaratura i historyja». Paśpieŭ papracavać u škole nastaŭnikam historyi i adsłužyć va ŭzbrojenych siłach. Skončyŭ aśpiranturu histaryčnaha fakulteta BDU.
Taksama pracavaŭ u BNTU: byŭ dacentam na kafiedrach «Historyja, suśvietnaja i ajčynnaja kultura», a zatym — na kafiedry «Palitałohija, sacyjałohija i sacyjalnaje kiravańnie».
U BDEU Alaksiej Bialajeŭ pierajšoŭ u 2018 hodzie, zaniaŭšy pasadu dacenta kafiedry palitałohii. Praz try hady, u 2021-m, staŭ dyrektaram Instytuta mahistarskaj padrychtoŭki BDEU.
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary