«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ
Rasija prasoŭvaje ŭnifikacyju zabaranialnych zboraŭ na ŭvoz zamiežnych mašyn va ŭsim JEAES, sprabujučy abaranić ad kankurencyi svoj «AŭtaVAZ», ale navat Alaksandr Łukašenka aśmieliŭsia za heta jaje adkryta pakrytykavać.
«Kožny zakryŭsia tak, što myš nie praskočyć. Staŭki ŭtylizacyjnych zboraŭ chutka pieravysiać košt samich mašyn… Navošta my heta robim, pra jaki sajuz možna havaryć?» — zajaviŭ Łukašenka, vystupajučy na Vyšejšym Jeŭrazijskim ekanamičnym saviecie ŭ Astanie.
Pry hetym jon nahadaŭ, što pry stvareńni sajuza havaryli nibyta pra sumiesnaje pryciahnieńnie inviestycyj u raźvićcio kampanientnaj bazy.
Pres-sakratar Uładzimira Pucina Dźmitryj Piaskoŭ prakamientavaŭ hetaje vykazvańnie:
«Heta pazicyja Alaksandra Ryhoraviča, jaje taksama ŭsie pavažajuć. Nie ŭsie z nami zhodnyja. Heta krytyka ŭ naš adras. Tak, i heta padstava dla pracy mižbakovaj i na šmatbakovym uzroŭni».
U Rasii maštabnaje pavyšeńnie stavak utylizacyjnaha zboru i źmianieńnie pravił jaho raźliku adbyłosia 1 śniežnia 2025 hoda. Paźniej rašeńnie ab pavieličeńni stavak pryniaŭ Kazachstan. U Biełarusi staŭki ŭtylzboru vyraśli na 7% u kancy krasavika 2026 hoda.
Z 1 krasavika ŭ Rasii ŭrehulavali ŭvoz aŭtamabilaŭ praź Biełaruś, Kazachstan, Armieniju i Kyrhyzstan. Adzinaja formuła ŭtylzboru ciapier pryviazanaja da pakazčykaŭ Minpramhandlu, što ŭpłyvaje na kančatkovy košt mašyny dla pakupnika z Rasii. Na pačatku maja Kazachstan uvioŭ «lusterkavy» ŭtylizacyjny zbor na aŭtamabili, jakija impartujucca z Rasii.
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
Niekalki tysiač biełarusaŭ stracili zarobak i padpracoŭku na patrymanych «bumierach»
Stała viadoma, jak padaražejuć impartnyja aŭto ŭ Biełarusi
Stali viadomyja dakładnyja ličby novaha ŭtylzboru. Voś jakija aŭto padaražejuć
Rasijanie afarmlajuć biełaruskija DNŽ, kab jeździć na aŭto na biełaruskaj rehistracyi. U čym sens?
Rasijanie prydumali novuju mutnuju schiemu, jak jeździć na luksavych aŭto ź biełaruskimi numarami i ekanomić hrošy
Kamientary
usio impieryju pad nož jak ŭ 1991 i 1917 ...