U Aŭstryi praciahvajucca pošuki 19‑hadovaha biełarusa: paviedamleńnie pra toje, što jaho znajšli, vyjaviłasia pamyłkaj
Infarmacyja pra toje, što źnikły ŭ Aŭstryi 19‑hadovy biełarus Mikita Stalaroŭ znojdzieny, nie paćvierdziłasia. Pra heta paviedamiła znajomaja siamji, jakaja dapamahaje ŭ pošukach junaka. Raniejšyja źviestki, atrymanaja ranicaj praz konsulstva, adnosilisia da inšaha čałavieka. Pošuki chłopca praciahvajucca.
Svajakam udałosia vyśvietlić novyja detali.
30 krasavika Mikita dasłaŭ znajomym zdymak z mašyny i napisaŭ, što jedzie na pracu. Hieałakacyju hetaha miesca zmahli vyznačyć.
3 maja chłopiec apošni raz vychodziŭ na suviaź. U razmovie ź siabram jon adznačyŭ, što znachodzicca ŭ Aŭstryi, ale nie pad Vienaj, jak ličyłasia raniej, a kala miažy sa Šviejcaryjaj.
Pavodle infarmacyi, u toj momant biełarus byŭ u kampanii jak minimum troch čałaviek (imavierna, ruskamoŭnych).
Blizkija Mikity prosiać usich, chto vałodaje choć niejkaj infarmacyjaj, źviazacca ź imi pa telefonie +48 453 297 268 abo ŭ Telegram (Dennis_14).
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary