U Ždanovičach budujuć most, jaki złučyć dva rajony stalicy. Jakim jon budzie
Jaho praciahłaść składzie 381 mietr.
Maštab rabot pa abodva baki čyhunki ŭražvaje: na placoŭcy šmat techniki i budaŭničych materyjałaŭ. U kancy vulicy Kaleśnikava, dzie raźmiaściŭsia bytavy haradok, abjomy vykananych rabot užo značna bolšyja. Z boku vulicy Cimirazieva pierakładajuć inžyniernyja kamunikacyi, pišuć Minsk-naviny.
— U najnoŭšaj historyi Minska było šmat kapitalna adramantavanych i rekanstrujavanych štučnych zbudavańniaŭ, ale taki bujny puciepravod z nula my ŭzvodzim upieršyniu, — adznačyŭ dyrektar hienieralnaha padradčyka, MBU № 2 «Mostabuda», Siarhiej Rubčenia. — Jaho praciahłaść składzie 381 mietr. Jon budzie ŭklučać 12 pralotaŭ, na jakich zmantujuć 224 belki: 201 ź ich daŭžynioj 33 mietry (11 pralotaŭ), adzin pralot — 18 mietraŭ. Belki svoječasova pastaŭlaje Zavod žalezabietonnych mastavych kanstrukcyj «Darbudindustryi» z Fanipala.
Puciepravod budzie mieć pa try pałasy ruchu ŭ kožnym kirunku. Jaho šyrynia budzie vahacca prykładna ad 38 mietraŭ u pačatku da 44 mietraŭ na padjaznych źjezdach.
Kaardynacyjny štab na abjekcie prachodzić štotydzień z udziełam zakazčyka i ŭsich datyčnych arhanizacyj. Narmatyŭny termin budaŭnictva — 36 miesiacaŭ, adnak hienieralny padradčyk i subpadradčyki płanujuć, pa mahčymaści, jaho skaracić.
Novy puciepravod zabiaśpiečyć pramoje złučeńnie pamiž Kamiennaj Horkaj i Lebiadzinym, a taksama značna skarocić abjezd praz MKAD. Akramia taho, pramaja transpartnaja suviaź dazvolić istotna razhruzić susiednija raźviazki ŭ rajonie Ždanovičaŭ.
— Uźviadzieńnie puciepravoda pačałosia ŭ sakaviku z padrychtoŭčaha etapu: arhanizacyi budaŭničaj placoŭki, stvareńnia padjezdaŭ, piešachodnaj suviazi, ustanoŭki bytavoha haradka i zavozu materyjałaŭ, — raskazaŭ načalnik učastka MBU № 2 Raman Załucki. — Ciapier na abjekcie zadziejničana kala 60 śpiecyjalistaŭ našaha ŭpraŭleńnia i kaleh z MBU № 6, jakija pracujuć vachtavym mietadam, kruhłasutačna, biez vychadnych. Z ulikam subpadradčykaŭ pryciahnuta bolš za 30 adzinak techniki.
Pavodle słoŭ Ramana Załuckaha, dla jaho ždanovicki vołat nie ŭjaŭlaje asablivych ciažkaściej. Vypusknik BNTU pa śpiecyjalnaści «masty i tuneli», jon pracuje ŭ MBU № 2 užo 13 hadoŭ i maje ŭ pasłužnym śpisie bolš za 20 mastoŭ i puciepravodaŭ.
— Tut usio prosta i zrazumieła. Asnoŭnaja technałahičnaja składanaść na hetym abjekcie — tolki adzin pralot praz čyhunku, — udakładniŭ načalnik učastka MBU № 2.
— Dla paraŭnańnia: letašniaja rekanstrukcyja puciepravoda ŭ rajonie vulic Tałstoha i Babrujskaj, zavieršanaja za dzieviać miesiacaŭ zamiest praduhledžanych 24, była značna składaniejšaj. Pa-pieršaje, z-za infrastruktury, jakuju jon pierasiakaŭ: niekalkich čyhunačnych napramkaŭ, mietro, što prachodzić pad im, tramvajnaha kalca, tralejbusnych i aŭtobusnych linij. A pa-druhoje, z-za centralnaj 162‑mietrovaj stalovaj siekcyi masaj 750 ton, jakaja, darečy, dazvoliła padoŭžyć raźlikovy termin słužby kanstrukcyi da 100 hadoŭ.
Treciaje kalco
— Tut nam nieabchodna ŭličvać vialikuju kolkaść kamunikacyj, jakija pierasiakajucca na roznych uzroŭniach i prachodziać pa terytoryi HC «Ždanovičy», — adznačyŭ Raman Załucki. — Heta hazapravod, haspadarča-bytavaja kanalizacyja, sietki suviazi, elektryčnyja kabieli, ciepłatrasa, vadapravod i inšyja. Pryčym usie jany nie vyvodziacca za miežy plamy zabudovy, a pierakładajucca ŭ mižapornuju prastoru puciepravoda.
Budaŭnictva apor puciepravoda — ich budzie 13 — viadziecca paetapna, pa miery pieranosu inžyniernych sietak. U kožnaj apory vykarystoŭvajecca ad 12 da 14 stojek. Jak tolki novy front rabot vyzvalajecca ad kamunikacyj, na jaho adrazu vychodziać mostabudaŭniki.
Na siońniašni dzień uźviedzieny try apory, uzvodziacca jašče dźvie; paralelna vykonvajecca ŭładkavańnie buranabiŭnych pal dla jašče dźviuch apor. Taksama pačalisia raboty pa ŭźviadzieńni padpornych ścien.
Na pieršych troch pralotach užo vykanany mantaž žalezabietonnych belek daŭžynioj 33 mietry i masaj bolš za 60 ton kožnaja.
Pavodle słoŭ Załuckaha, prablem pry pierachodzie praz čyhunačnyja šlachi čakać nie varta: Minskaje adździaleńnie Biełaruskaj čyhunki zaŭsiody idzie nasustrač i pradastaŭlaje nieabchodnyja «vokny» dla rabot.
Puciepravod — adna ź dźviuch čarhaŭ maštabnaha budaŭnictva ŭ hetym rajonie. Paralelna idzie rekanstrukcyja vulicy Kaleśnikava i zavułka Masiukoŭščyny, dzie źjavicca novaja vulica z rabočaj nazvaj Prajektavanaja.
U druhoj čarzie raboty zakranuć taksama vulicu Cimirazieva ź nieabchodnaj darožnaj i śviatłafornaj infrastrukturaj.
U sukupnaści hetyja etapy aznačajuć pačatak budaŭnictva treciaha transpartnaha kalca, jakoje ŭ pierśpiektyvie złučyć pamiž saboj i inšyja rajony Minska.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
K płochim pośledstvijam. Ličnoje - a kak že e lubimyj "kołbasnyj" pieriechod pod žd putiami? nieužieli pisiec pisiec???? Nu eto šutka :) :)
Na samom diele płochije novosti ždut žitielej rajona Lebiažij (ulica Ratomskaja).... Traffik vyrastiet nie prosto na procienty - v RAZY... I čieriez ich ujutnyj mirok so stoimosťju v pod 3 tyŝi za kvadrat pojediet takoj potok "niŝiebrodov" iz Kamienki čto im i nie śniłoś... Eto budiet bOŁŠOJ SIURPRIZ dla cieńnitielej TICHOHO riealno ELITNOHO mikrarajonoa.... Očieriednoje dokazatielstvo čto niedvižka v RB eto krajnie nieustojčivyj aktiv i dažie nie sovsiem aktiv...