21‑hadovy rasijski chakieist vypadkova zastreliŭsia na vačach u dzieda. Piensijanier nie vytrymaŭ hora i zabiŭ siabie
U baškirskim Sałavacie adbyłasia trahiedyja: vychavaniec omskaha «Avanharda» zahinuŭ ad vypadkovaha strełu padčas padrychtoŭki da palavańnia, paśla čaho jahony dzied ździejśniŭ samahubstva.
Pavodle papiarednich źviestak, 21‑hadovy chakieist Jahor Jadykin razam sa svaim 68‑hadovym dziadulem rychtavaŭsia da palavańnia. Mužčyna pakazvaŭ unuku, jak čyścić i zaradžać strelbu, piša telehram-kanał 112.
U niejki momant adbyŭsia vypadkovy streł, i kula trapiła Jahoru ŭ hałavu. Małady čałaviek zahinuŭ imhnienna.
Paźniej dziadula adpraviŭ svajakam hałasavoje paviedamleńnie, a praź niekatory čas jaho znajšli miortvym u haražy.
Jahor Jadykin byŭ vychavancam omskaha «Avanharda» i vystupaŭ za chakiejny kłub «Narylsk».
Kamientary