Pucin paabiacaŭ uzmacnić udary pa ŭkrainskaj infrastruktury i pierakanany, što Rasija paśpiachova nastupaje
Prezident Rasii Uładzimir Pucin zajaviŭ, što Rasija płanuje ŭzmacnić udary pa infrastruktury Ukrainy. Hetu zajavu jon zrabiŭ padčas sustrečy z udzielnikami vajny suprać Ukrainy 12 červienia.
Pucin śćviardžaje, što ŭ adkaz na dziejańni Ukrainy Rasija budzie praciahvać nanosić udary i navat naroščvać ich intensiŭnaść, asabliva pa abjektach infrastruktury praciŭnika. Jon padkreśliŭ, što heta ŭžo adbyvajecca i budzie praciahvacca dalej.
Adnačasova jon pryznaŭ, što ŭdary Uzbrojenych sił Ukrainy pa rasijskaj naftavaj i enierhietyčnaj infrastruktury nanosiać škodu ekanomicy Rasii. Pavodle jaho słoŭ, z pačatku hoda było bolš za 80 takich udaraŭ pa rasijskich NPZ, partach i abjektach paliŭna-enierhietyčnaha kompleksu. Adnak Pucin dadaŭ, što, na jaho dumku, usie paškodžańni chutka adnaŭlajucca i nie stvarajuć dla Rasii až nadta surjoznych prablem.
Taksama jon zajaviŭ, što Rasija nibyta adna supraćstaić «kalektyŭnamu Zachadu» i błoku NATA, jaki, pavodle jaho słoŭ, akazvaje cisk na krainu. Pucin śćviardžaje, što sproby raskałoć rasijskaje hramadstva abo nanieści škodu ekanomicy, na jaho dumku, nie dasiahnuć vyniku.
Što da vajennych dziejańniaŭ, to jon upeŭnieny, što rasijskija vojski praciahvajuć prasoŭvańnie ŭ zonie bajavych dziejańniaŭ. Jon adznačyŭ, što heta adbyvajecca nie tak chutka, jak chaciełasia b, ale, pavodle słoŭ rasijskaha lidara, ruch napierad i ŭstalavańnie kantrolu nad terytoryjami praciahvajecca štodnia i budzie praciahvacca ŭ dalejšym.
Prytym Pucin admaŭlaje, što vajna adbyvajecca ź inicyjatyvy Rasii i što mienavita jana jaje pačała:
«Heta nie my raźviazali vajnu. Nie my pačali bajavyja dziejańni z pačatkam «SVA», nie! Heta jany ździejśnili dziaržpieravarot na Ukrainie, heta vymusiła nas uziać pad abaronu žycharoŭ Kryma. Potym raźviazali vajnu, vajnu ž raźviazali! Pačali bajavyja dziejańni na paŭdniovym uschodzie Ukrainy».
Kamandujučy vojskami ZŠA ŭ Jeŭropie zajaviŭ, što Pucin nie šukaje vajny z NATA
Na vajnie va Ukrainie zahinuŭ pieršy rasijski bajec 2008 hoda naradžeńnia
Łukašenka nazvaŭ Pucina harantam spraviadlivaha suśvietnaha paradku
Zahinuŭ administratar viadomaha Z-kanała, u jakim smakujuć rasijskija ŭdary pa cyvilnych abjektach
Pobač z rezidencyjaj Pucina naciahnuli antydronavyja sietki
Kamientary
Ja pravilno ponimaju, čto on načinajet opravdyvaťsia? Pieried kiem - vopros, no pochožie, čto pieried samim soboj. A v jeho kartinie mira za pobiedy nie opravdyvajutsia, tiem boleje on. Faza torha?