Kaardynatar «Jeŭrapiejskaj Biełarusi» admoviŭsia padpisvać dakumient, jaki zaścierahaje Maskvu ad umiašańnia.
Kaardynatar «Jeŭrapiejskaj Biełarusi» admoviŭsia padpisvać dakumient, jaki zaścierahaje Maskvu ad umiašańnia.
Kandydat u prezidenty ad Partyi BNF Ryhor Kastusioŭ razam z kiraŭnikom partyi Alaksiejem Janukievičam prezientavali «Manifiest ab abaronie nacyjanalnych intaresaŭ».
U manifieście havorycca: «My razumiejem, što niebiaśpieka palityčnaj i ekanamičnaj niezaležnaści Biełarusi i svabody jaje hramadzianaŭ zychodzić nie tolki ad siońniašniaha režymu, ale i ad vyšejšych palityčnych kołaŭ Rasiei i źviazanych ź imi aliharchaŭ. Abjadnańnie apazicyjnych siłaŭ tolki suprać Łukašenki — słabaja pazicyja. My zaklikajem da abjadnańnia nie prosta suprać kahości, a za abaronu nacyjanalnych intaresaŭ».
Voś jak prakamientavaŭ manifiest patencyjny kandydat u prezidenty Biełarusi, lider hramadzianskaj kampanii «Jeŭrapiejskaja Biełaruś» Andrej Sańnikaŭ.
«Ni adzin razvažny palityk Biełarusi nie padpiša vypuščany ciapierašnim kiraŭnictvam BNF manifiest. Niedarečnaść hetaha dakumienta nastolki vidavočnaja, što prymušaje zadumacca pra sapraŭdnyja mety jaho inicyjataraŭ. Čamu jon źjaviŭsia mienavita ciapier, kali pazicyja Rasiei ŭ staŭleńni da apošniaj dyktatury Jeŭropy pačynaje mianiacca? Čym heta pradyktavana? Adkaz naprošvajecca adzin: spałocham, što ŭ Biełarusi sapraŭdy niešta moža pamianiacca i imknieńniem hetamu pieraškodzić.
Niadaŭniaja naša historyja vučyć, i davajcie ščyra pra heta kazać, što źmieny ŭ Biełarusi adbyvalisia paśla impulsaŭ z Maskvy. Harbačoŭskaja pierabudova pryviała da abviaščeńnia niezaležnaści, a jelcynskija reformy dazvolili hetuju niezaležnaść uvasobić u žyćcio. Što drennaha ŭ tym, što siońnia mienavita Maskva znoŭ pryciahvaje ŭvahu da rasśledavańnia spraŭ źnikłych, havoryć pra karumpavanaść dyktatara Łukašenki i jaho atačeńnia?
U hetych ŭmovach sproba kiraŭnikoŭ BNF pradstavić apazicyju ślapoj i hłuchoj nie vytrymlivaje nijakaj krytyki.
Siońnia źjaviŭsia realny šaniec pazbavić krainu ad dyktatury, i my im abaviazkova skarystajemsia. Na žal, kiraŭnictva BNF nie choča ŭ hetym udzielničać», — zajaviŭ Andrej Sańnikaŭ.
Ciapier čytajuć
Siarhiej Cichanoŭski pierabraŭsia žyć u Łos-Andželes72
Kamientary