U Minsku startavaŭ XII Mižnarodny fiestyval pierformansu Navinki-2010
Jon projdzie ŭ Pałacy mastactva z 28 pa 30 žniŭnia.
Fiestyval projdzie ŭ Pałacy mastactva z 28 pa 30 žniŭnia.
Jak paviedamiŭ BiełaPAN kuratar fiestyvalu NAVINKI-2010 Viktar Piatroŭ, u hetym hodzie ŭ im prymajuć udzieł pradstaŭniki šaści krain: Anhlii, Hiermanii, Narviehii, Šviecyi, Finlandyi i Biełarusi. «Farmat zastajecca raniejšym, my kožny hod zaprašajem novych udzielnikaŭ z-za miažy i sprabujem abnaŭlać skład udzielnikaŭ ź Biełarusi», — skazaŭ Piatroŭ.
U hetym hodzie ŭ fiestyvali prymajuć udzieł 20 pradstaŭnikoŭ Biełarusi i siem zamiežnych mastakoŭ.
Pa tradycyi fiestyval trochdzionny. Na praciahu dvuch dzion vystupy mastakoŭ hledačy ŭbačać u Pałacy mastactva, treci dzień budzie vyjaznym — na vadaschoviščy Viača pad Minskam.
«Adroźnieńnie pierformansu ad inšych žanraŭ u tym, što my nie viedajem zahadzia, što pakažuć nam mastaki. Kali pryjazžaje jaki-niebudź teatr sa śpiektaklem, to tam užo prykładna ŭsie viedajuć jaho źmiest. U pierfomansie ž mastak raskryvajecca pierad hledačom, i ŭ hetym jość niejkaja interaktyŭnaja suviaź. Kožnaje jaho vystupleńnie — heta asobny śpiektakl», — skazaŭ Piatroŭ.
Pa jaho słovach, hety vid mastactva vielmi vostra i praktyčna imhnienna reahuje na źmieny, što adbyvajucca ŭ žyćci. «Praz hod ad adnaho mastaka my možam ubačyć zusim inšy pierfomans. I, atrymlivajecca, što praz hod u nas idzie abnaŭleńnie repiertuaru», — adznačyŭ kuratar fiestyvalu.
Jak zajaviŭ Piatroŭ, jašče adna meta hetaha fiestyvalu składajecca ŭ tym, kab nie tolki pakazvać svaje tvory, ale i farmiravać artystyčnyja elity ŭ Biełarusi. «Z-za taho, što my byli zakrytyja ad jeŭrapiejskaj kultury 70 hadoŭ, padčas SSSR, u nas sučasnyja formy mastactva mała pradstaŭleny ci ŭvohule nie pradstaŭleny», — ličyć jon.
Fiestyval arhanizujecca na srodki samich mastakoŭ, zacikaŭlenych u jaho praviadzieńni. «Usie 12 hadoŭ z času arhanizacyi fiestyvalu nam nichto nie dapamahaje. My spadziajemsia, što ŭłady ŭsio ž taki źviernuć uvahu na sučasnaje mastactva, ź jakich pierfomans źjaŭlajecca samym dynamičnym, ale pakul hetaha nie adbyvajecca», — skazaŭ Piatroŭ.
Kamientary