Ale Julija Buka z Hłyboččyny znajšła mahčymaść vučyć svaju dačku na rodnaj movie.
Ale Julija Buka z Hłyboččyny znajšła mahčymaść vučyć svaju dačku na rodnaj movie.
Nahadajem, za tydzień da pačatku navučalnaha hoda žančynie paviedamili, što jaje dačka nie zmoža vučycca ŭ biełaruskamoŭnym kłasie. Dva piatyja kłasy Hłybockaj rajonnaj himnazii, kudy dziaŭčynka pastupiła jašče viasnoj, buduć ruskamoŭnymi. Sprava atrymała praciah.
Spadarynia Julija źviarnułasia ŭ Hłybocki rajvykankam, dzie adbyłasia razmova z namieśnicaj staršyni. Na nastupny dzień da jaje ŭ v. Vałodźkava pryjechaŭ dyrektar adnoj sa škoł. Jon zaprasiŭ žančynu na baćkoŭski schod. Na schodzie sabralisia baćki dziaciej, jakija čatyry hady ŭ himnazii vučylisia pa-biełarusku, a ciapier pierajšli na ruskamoŭnaje navučańnie.
Spadarynia Julija kaža, što
baćkoŭ faktyčna sabrali dla taho, kab pierakanać jaje ŭ tym, što nichto nie choča vučycca pa-biełarusku.
Ale vyjaviłasia, što jašče dźvie siamji chacieli b addać svaich dziaciej u biełaruskamoŭny kłas. Heta taksama byli vučni viaskovych škoł. Ale bolšaść baćkoŭ pačała ich abražać. Maŭlaŭ, chaj viaskoŭcy viartajucca ŭ svaje škoły.
Kali skončyŭsia schod, Julija zajšła ŭ siaredniuju škołu №3. Jak vyśvietliłasia, tam nabrali biełaruskamoŭny kłas. I dziaŭčynku hatovy pryniać pry ŭmovie, što vyrašycca pytańnie z žytłom. Dyrektarka himnazii paabiacała pasialić piacikłaśnicu ŭ vučnioŭskim internacie, dzie žyvie jaje starejšy brat. Zaŭtra ŭ dziaŭčynki pačynajecca novy navučalny hod.
Julija Buka na hetym spyniacca nie źbirajecca. Jana maje namier schadzić na pryjom da staršyni Hłybockaha rajvykankama.
«Ja chaču dakazać haradskim, što my, viaskoŭcy, nie horšyja za ich. Ja chaču damahacca, kab nas nie prynižali».
Spadaryniu Juliju aburaje toje, što viaskoŭcaŭ ličać za ludziej druhoha hatunku.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary