Siabry i kalehi žurnalista Aleha Biabienina, jaki pavodle aficyjnaj versii skončyŭ žyćcio samahubstvam, ukazvajuć na detali, jakija supiarečać hetaj versii.
Siabry i kalehi žurnalista Aleha Biabienina, jaki pavodle aficyjnaj versii skončyŭ žyćcio samahubstvam, ukazvajuć na detali, jakija supiarečać hetaj versii.
Prakuratura Mienskaj vobłaści praciahvaje pravierku abstavinaŭ śmierci Aleha Biabienina, cieła jakoha znajšli ŭ piatli na jahonym leciščy 3-ha vieraśnia. U prakuratury ŭžo ahučyli versiju pra samahubstva, ale zapeŭnivajuć, što heta nie kančatkovaja vysnova.
«My nie kazali, što ŭžo kančatkovaja kropka pastaŭlenaja. Usio jašče praviarajecca. I samahubstva, i inšyja versii. Kali samahubstva, to pryčyny i matyvy. Budziem infarmavać pra vyniki», — skazała «Svabodzie» presavy sakratar abłasnoj prakuratury Taciana Kalinina.
Kaardynatar «Chartyi-97» Źmicier Bandarenka šmat hadoŭ pracavaŭ u adnym pakoi z Aleham Biabieninym, daŭno ź im siabravaŭ. Uviečary 3 vieraśnia Źmicier Banadarenka byŭ siarod ludziej, jakija pryjechali ŭ viosku Piarchurava na lecišča Biabienina, kali stała viadoma pra jahonuju śmierć. Zaraz Źmitra Bandarenku ździŭlaje, što
śledčaja hrupa nie zdymała ŭ domie adbitkaŭ palcaŭ, dom zastaŭsia nieapiačatany, jak i aŭtamabil, na jakim, mahčyma, pryjechaŭ žurnalist, ci jaho pryvieźli.Jašče bolš pytańniaŭ u spadara Bandarenki i jahonych siabroŭ uźnikła paśla ahladu cieła niabožčyka.
«Usie zafiksavali, što kali cieła Aleha stajała ŭ piatli, to pravy halenastop byŭ ci złamany, ci mocna vyvichnuty. Kali zadali pytańnie namieśniku prakurora, toj skazaŭ, što Aleh chutčej za ŭsio, kali skoknuŭ z zedlika, to i paškodziŭ nahu.Jašče namieśnik prakurora dadaŭ, što tady ŭ jaho chutčej za ŭsio buduć paškodžańni šyjnych pazvankoŭ. Ja bačyŭ cieła i paśla anatamiravańnia i źviarnuŭ uvahu ekspertaŭ, što pravy halenastop vidavočna paškodžany bolš, čym levy. Ekspert skazaŭ: nie, heta jon prosta bolš stajaŭ na hetaj nazie, i heta ad trupnaha zdranćvieńnia. A heta toj samy ekspert, jaki rabiŭ anatamiravańnie i zrabiŭ vysnovu, što žyćcio Aleha skončyłasia 2 vieraśnia. Ale kali my byli na miescy zdareńnia, to i milicyjant, i namieśnik prakurora kazali, što hladzicie, jon jašče ciopły, śmierć nastupiła niadaŭna. I jon sapraŭdy byŭ miakki, nie było hetaha trupnaha zdranćvieńnia».
Pavodle Źmitra Banadrenki, niapraŭda, što na ciele Aleha Biabienina nie było niezvyčajnych śladoŭ, jakija možna ličyć vynikam źniešniaha ŭździejańnia. Spadar Bandarenka kaža pra parez na palcy i padziortuju skuru na kostkach levaha kułaka, taksama na drapiny ŭ rajonie hrudziej. Na śpinie niabožčyka byli zaŭvažany kryvianyja padcioki ŭ vobłaści levaj nyrki i na šyi.Źmicier Bandarenka zhadvaje, što nia raz myŭsia ź Biabieninym u łaźni i nia pamiataje na jahonym ciele takich śladoŭ: «Hetyja ślady ŭ pratakole ahladu zafiksavali i jašče zapeŭnili mianie, što cieła ź niekalkich rakursaŭ sfatahrafavali i ŭsio buduć praviarać», — paviedamiŭ Źmicier Bandarenka, jaki pa-raniejšamu nia vieryć ŭ toje, što jahony siabar moh sam pajści z žyćcia.
Šerah pradstaŭnikoŭ upłyvovych mižnarodnych arhanizacyj zaklikali biełaruskija ŭłady pravieści «ŭsiebakovaje, u poŭnym abjomie i prazrystaje» raśśledavańnie śmierci Aleha Biabienina. Siarod ich dakładčyk Parlamenckaj asamblei Rady Eŭropy pa Biełarusi Sinika Churskajnen: «PARE budzie pilna sačyć za vynikami raśśledavańnia, jak i za chodam padziej pierad prezydenckimi vybarami, asabliva što tyčycca svabody presy i palityčnych svabodaŭ hramadzian Biełarusi», — zajaviła pradstaŭnica PARE.
Biełaruskaja asacyjacyja žurnalistaŭ u suviazi sa śmierciu Aleha Biabienina nakiravała admysłovyja listy hieneralnamu prakuroru Biełarusi Ryhoru Vasileviču i ministru ŭnutranych spraŭ Anatolu Kulašovu. Nie raskrytyja šmat jakija hučnyja źniknieńni i śmierci žurnalistaŭ, kaža Andrej Alaksandraŭ z BAŽu. «Heta tyčycca i źniknieńnia Źmitra Zavadzkaha 10 hadoŭ tamu, i zabojstva Vieraniki Čarkasavaj u 2004 hodzie. Dahetul my nia viedajem dakładna, što adbyłosia z našymi kalehami, nia viedajem, chto heta zrabiŭ, i chto zamoviŭ złačynstvy».
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary